اظہرالدین کے بیٹے گوا کے کیمپ میں شامل نیا تنازع کھڑا ہوگیا

اسد نے 2009 سے کوئی مسابقتی میچ نہیں کھیلا اور انھیں فرسٹ کلاس کرکٹ کا بھی تجربہ نہیں ہے۔ فوٹو: فائل

---

گوا کے پری سیزن کیمپ میں سابق بھارتی کپتان اظہر الدین کے بیٹے اسد الدین کی موجودگی پر تنازع کھڑا ہوگیا۔

سیزن کیمپ حیدرآباد میں جاری ہے جس میں شامل 27 پلیئرز میں سے 29 سالہ اسد بھی ایک ہیں،ان کے والد اظہر الدین رضاکارانہ طور پر ٹیم کو ماہرانہ مشورے دیں گے۔

اسد نے 2009 سے کوئی مسابقتی میچ نہیں کھیلا اور انھیں فرسٹ کلاس کرکٹ کا بھی تجربہ نہیں ہے۔ گوا کے سابق اور موجودہ کرکٹرز ان کی کیمپ میں موجودگی کو اقربا پروری قرار دے رہے ہیں۔

دوسری جانب گوا کرکٹ ایسوسی ایشن کے سیکریٹری دیا پاگی نے کہاکہ اسد کی ٹیم میں شمولیت پری سیزن کیمپ میں پرفارمنس سے مشروط ہے۔