کیریبیئن پریمیئر لیگ میں محدم عرفان کی 2 وکٹیں وہاب ریاض خالی ہاتھ رہے

ناکام ٹیم جمیکا تلاواز کے ہمراہ ٹرائنباگو نائٹ رائیڈرز اورگیانا ایمازون واریئرز پہلے ہی پلے آف میں جگہ پاچکے ہیں۔ فوٹو: فائل

---

کیریبیئن پریمیئر لیگ میں سینٹ لوشیا اسٹارز نے بارباڈوس ٹرائیڈینٹس کو 6 وکٹ سے شکست دے دی تاہم وہ پہلے ہی فائنلز کی دوڑ سے آئوٹ ہوچکی ہے جب کہ ناکام ٹیم کے محمد عرفان نے 2 وکٹیں لیں جبکہ وہاب ریاض 4 اوورز میں 18 رنز دے کر خالی ہاتھ رہے۔

سینٹ کٹس اینڈ نیویس پیٹریاٹس نے جمیکاتلاواز کو بارش سے متاثرہ میچ میں 7 وکٹ سے شکست دے کر پلے آف میں جگہ بنالی، ناکام ٹیم نے مقررہ اوورز میں 6 وکٹ پر 206 رنز بنائے، جس میں رومین پاول کے 84 رنز نمایاں تھے۔

جواب میں پیٹریاٹس نے 6.3 اوورز میں ایک وکٹ پر 65 رنز بنائے تھے کہ بارش کی وجہ سے 40 منٹ تک کھیل رکا رہا جس کے بعد ٹیم کو 11 اوورز میں 118 رنز کا نظر ثانی شدہ ہدف ملا جو اس نے 5 بالز قبل 3 وکٹ پر ہی حاصل کرلیا، ڈوسن 45، گیل41 اور محمود اللہ 11 بالز پر 28 رنز بنانے میں کامیاب رہے۔

ناکام ٹیم جمیکا تلاواز کے ہمراہ ٹرائنباگو نائٹ رائیڈرز اورگیانا ایمازون واریئرز پہلے ہی پلے آف میں جگہ پاچکے ہیں۔