- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
- فلسطین کواقوام متحدہ کی مکمل رکنیت دینے کا وقت آ گیا ہے، پاکستان
- مصباح الحق نے غیرملکی کوچز کی حمایت کردی
- پنجاب؛ کسانوں سے گندم سستی خرید کر گوداموں میں ذخیرہ کیے جانے کا انکشاف
- اسموگ تدارک کیس: ڈپٹی ڈائریکٹر ماحولیات لاہور، ڈپٹی ڈائریکٹر شیخوپورہ کو فوری تبدیل کرنیکا حکم
- سابق آسٹریلوی کرکٹر امریکی ٹیم کو ہیڈکوچ مقرر
- ہائی کورٹس کے چیف جسٹسز کے صوابدیدی اختیارات سپریم کورٹ میں چیلنج
- راولپنڈٰی میں بیک وقت 6 بچوں کی پیدائش
- سعودی معاون وزیر دفاع کی آرمی چیف سے ملاقات، باہمی دلچسپی کے امور پر گفتگو
- پختونخوا؛ دریاؤں میں سیلابی صورتحال، مقامی لوگوں اور انتظامیہ کو الرٹ جاری
- بھارت میں عام انتخابات کے پہلے مرحلے کا آغاز،21 ریاستوں میں ووٹنگ
- پاکستانی مصنوعات خریدیں، معیشت کو مستحکم بنائیں
موت کے منہ سے نکلنے والے پلیئرز پر سکتہ طاری
ڈھاکا / کرائسٹ چرچ / ویلنگٹن: نیوزی لینڈ میں موت کے منہ سے نکلنے والے بنگلہ دیشی کرکٹرز پر بدستور سکتہ طاری ہے۔
کرائسٹ چرچ میں نماز جمعہ کے وقت مقامی مساجد میں ہونے والی بربریت نے وہاں سے زندہ بچ آنے والے بنگلہ دیشی کھلاڑیوں پر گہرا اثر ڈالا ہے، جس وقت دہشتگرد مسجد میں بے گناہوں کا خون بہانے میں مصروف تھا تب یہ کھلاڑی بس میں وہاں پہنچے، پھر کچھ دیر اسی میں دبکے رہنے کے بعد وہاں سے زندہ نکلنے میں کامیاب رہے تھے،اب پوری ٹیم ٹور ادھورا چھوڑ کر وطن واپس بھی روانہ ہوچکی ، جس کی ہفتے کی شب ڈھاکا آمد شیڈول تھی۔
کرائسٹ چرچ ایئرپورٹ پر میڈیا سے بات چیت میں اوپنر تمیم اقبال نے کہاکہ جس خوفناک صورتحال کا تجربہ ہمیں یہاں پر ہوا اس سے باہر آنے میں کچھ وقت لگے گا، اس واقعے نے ہم پر گہرا اثر ڈالا، یہ اچھا ہے کہ ہم یہاں سے واپس جا رہے ہیں کیونکہ ہمارے اہل خانہ کافی پریشان ہیں،انھوں نے کہا کہ میں صرف یہ امید ہی کرسکتا ہوں کہ گھر واپس پہنچنے کے بعد شاید ہم اس واقعے کے اثرات سے باہر آسکیں تاہم اس میں کچھ وقت بھی لگ سکتا ہے۔
یاد رہے کہ بنگلہ دیش کی جانب سے شکایت کی گئی تھی کہ جس وقت ان کے کھلاڑی مسجد جا رہے تھے انھیں کسی قسم کی کوئی سیکیورٹی نہیں دی گئی۔ وزیراعظم شیخ حسینہ نے واضح کیا کہ مستقبل میں کسی بھی ملک میں اپنی ٹیم بھیجنے سے قبل وہاں کی سیکیورٹی صورتحال و دیگر عوامل کی مکمل جانچ ہو گی۔
بنگلہ دیش کرکٹ بورڈ نے نیا سیکیورٹی معیار اپنانے کا فیصلہ کرلیا
بنگلہ دیش کرکٹ بورڈ نے کرائسٹ چرچ واقعے کے بعد نیا سیکیورٹی معیار اپنانے کا فیصلہ کرلیا۔ بی سی بی کے چیف ایگزیکٹیو نظام الدین چوہدری نے کہا کہ اس واقعے نے سب کچھ بدل کر رکھ دیا ہے، ہم مستقبل کے حوالے سے اپنا کم سے کم سیکیورٹی معیار قائم اورمیزبان ملک کی جانب سے مکمل یقین دہانی کے بعد ہی وہاں کا سفر کریں گے۔
نیوزی لینڈاب محفوظ نہیں رہا،سیکیورٹی کی جانچ کرنا ہوگی،بورڈچیف
نیوزی لینڈ کرکٹ کے چیف ایگزیکٹیو ڈیوڈ وائٹ نے تسلیم کیاکہ ان کا ملک اب محفوظ نہیں رہا، انھوں نے کہا کہ جو کچھ کرائسٹ چرچ میں ہوا وہ کسی دھچکے سے کم نہیں، اس سے یہاں پر انٹرنیشنل اسپورٹس ایونٹ کی میزبانی سے متعلق تمام نظریہ تبدیل ہوگیا ہے، میں سمجھتا ہوں کہ اب ہر چیز بدل چکی ہے، ہمیں اپنی سیکیورٹی کی گہرائی سے جانچ کرنا ہوگی، میں یہ بھی سمجھتا ہوں کہ نیوزی لینڈ کو ’محفوظ جنت‘ تصور کیے جانے کا نظریہ بھی اب رخصت ہوچکا ہے، یہاں پر تمام اتھارٹیز اور اسپورٹس آرگنائزیشنز کو اب بہت زیادہ چوکنا رہنا ہوگا۔
نیوزی لینڈ میں دیگرکھیلوں کی سرگرمیاں بھی معطل ہو گئیں
کرائسٹ چرچ واقعے کے بعد نیوزی لینڈ میں چند دیگرکھیلوں کی سرگرمیاں بھی معطل ہوگئیں، اوٹاگو ہائی لینڈرز اور کینٹربری کروسیڈر کے درمیان سپر رگبی مقابلہ منسوخ کردیا گیا،گھڑ دوڑ اور چند نیٹ بال گیمز بھی اسی دہشتگردحملے کے تناظر میں منسوخ کردیے گئے۔
کینٹربری کا میچ میں شرکت سے انکار
کرائسٹ چرچ واقعے کے بعد کینٹربری نے فرسٹ کلاس ایونٹ پلنکٹ شیلڈ میں اپنا آخری میچ کھیلنے سے انکار کردیا۔ یہ مقابلہ ویلنگٹن کیخلاف بیسن ریزرو اسٹیڈیم میں ہونا تھا۔
آسٹریلیا ویمنز انڈر 19 ٹیم کا جاری نیوزی لینڈ ٹور بھی منسوخ
کرائسٹ چرچ واقعے کے بعد آسٹریلیا ویمنز انڈر 19 ٹیم کا جاری ٹور بھی منسوخ کردیا گیا، ٹیم نے کرائسٹ چرچ میں ہی ڈیرے ڈالے ہوئے تھے۔ یہاں کا اگلا بڑا ٹور اکتوبر میں ہے جب نیوزی لینڈ، انگلینڈ کی ٹیسٹ اور ٹوئنٹی 20 میچز کی میزبانی کرے گا۔ کرائسٹ چرچ میں بھی ایک ٹیسٹ متوقع ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔