بلدیہ شرقی میں کرپشن کا نیا انداز متعارف

ورک آرڈر پر رشوت وصول کی جانے لگی۔ فوٹو: فائل

---

ISLAMABAD: بلدیہ شرقی میں کے سپر نٹنڈنٹ انجینئر نے مبینہ کر پشن کانیا انداز متعارف کرادیا۔

ذرائع کے مطابق بلدیہ شرقی میںانتہائی بااثرایس سی طارق مغل نے مبینہ کرپشن کا نیا طریقہ متعارف کرادیا ہے اور ورک آرڈر پر6 فیصد مبینہ رشوت وصول کی جا رہی ہے ،ٹھیکے کی منظوری کے بعد بھی کمیشن وصول کیاجارہا ہے۔

ٹھیکیداروں کے اجلاس میں فیصلہ کیا گیاہے کہ ٹھیکوں پرمبینہ رشوت خوری پرطارق مغل کے خلاف نیب میں درخو است دی جائے گی، ایس سی کی مبینہ کمیشن وصولی کے بارے چیئر مین معید انور کو بھی علم ہے لیکن وہ سند ھ حکومت کے دباؤکی وجہ سے خاموش بیٹھے ہیں۔