- پی ٹی آئی قانونی ٹیم کا فائز عیسیٰ اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
- جنوبی افریقا میں ایسٹر تقریب میں جانے والی بس پل سے الٹ گئی؛ 45 ہلاکتیں
- پاکستانی ٹیم میں 5 کپتان! مگر کیسے؟
- پختونخوا پولیس کیلیے 7.6 ارب سے گاڑیاں و جدید آلات خریدنے کی منظوری
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- مشترکہ مفادات کونسل کی تشکیل نو، پہلی بار وزیر خزانہ کی جگہ وزیر خارجہ شامل
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
مسلم خاندان ایک صدی سے نتھیاگلی کے تاریخی گرجا گھر کا نگہبان
ایبٹ آباد: دل کش اور سحرانگیز نظاروں سے سجے نتھیا گلی کے مضافاتی گاؤں میں ایک قدیم تاریخی گرجا گھر واقع ہے جو سینٹ میتھیوز چرچ کہلاتا ہے۔ آپ یہ جان کر حیران ہوں گے کہ مسیحیوں کی اس عبادت گاہ کا انتظام و انصرام ایک صدی سے ایک مسلمان خاندان چلارہا ہے۔ وحید مراد اس مسلمان گھرانے کی تیسری نسل سے تعلق رکھتے ہیں جو سینٹ میتھیوز چرچ کی ذمے داریاں احسن طریقے سے نبھاتا چلا آرہا ہے۔ باریش وحید مراد مذہبی ہم آہنگی کی علامت بن چکے ہیں ۔ نوآبادیاتی دور میں تعمیر کردہ گرجا گھر اپنی اصل شکل میں موجود ہے، امتداد زمانہ، موسمی تغیرات سمیت ناموافق حالات اسے نقصان نہ پہنچا سکے اور اس کا کریڈٹ بلاشبہ وحید مراد اور ان کے آباء و اجداد کو جاتا ہے۔
وحید مراد کہتے ہیں کہ سینٹ میتھیوز چرچ 1914 میں تعمیر کیا گیا تھا اور اس کے چند برس بعد ہی ان کے مرحوم دادا محمد حسین نے اس کی دیکھ بھال کی ذمہ داری سنبھال لی تھی۔ وحید مراد کے مطابق ان کے دادا نے 35 سال تک گرجا گھر کی دیکھ بھال کی، ان کے انتقال کے بعد یہ ذمہ داری وحید مراد کے والد شکرو خان کو منتقل ہوگئی۔ انھوں نے 45 سال تک یہ ذمہ داری نبھائی۔ والد کے انتقال کے بعد وحید مراد نے ان کی جگہ لے لی۔ سینٹ میتھیوز چرچ کی دیکھ بھال کرتے ہوئے وحید مراد کو 17 برس گزرچکے ہیں۔ وحید مراد کے بقول وہ اپنے بچوں کو وصیت کرچکے ہیں کہ ان کی موت کے بعد اس قابل فخر خاندانی روایت کو جاری رکھیں۔ وحید مراد کے بقول انھوں نے گرجا گھر کی دیکھ بھال کرنے میں کبھی شرم محسوس نہیں کیوں کہ ان کے نزدیک کسی بھی مذہب کی عبادت گاہ مسجد ہی کی طرح قابل احترام ہے۔ وحید مراد کا گھر میلاچ گائوں سے، جہاں گرجا گھر واقع ہے، 6 کلومیٹر کی دوری پر ہے۔ وہ روزانہ اونچے نیچے پہاڑی راستوں پر یہ فاصلہ طے کرتے ہوئے گرجا گھر پہنچتے ہیں۔ اس معمول میں بارش، برفباری اور یخ بستہ ہوائیں بھی حائل نہیں ہوپاتیں۔ گرجا گھر پہنچنے کے بعد وہ اس کی صفائی ستھرائی کرتے ہیں، پھول رکھتے ہیں، سردیوں میں برف صاف کرتے ہوئے اور گھنٹا بھی بجاتے ہیں۔ نتھیاگلی کی آبادی میں کوئی عیسائی نہیں، اس کے باوجود وحید مراد باقاعدگی سے گرجا گھر پہنچ کر اسے صاف ستھرا رکھتے ہیں۔ یہاں آنے والے اکثر سیاح ہوتے ہیں۔
ان میں عیسائیوں کے ساتھ ساتھ مسلمان بھی شامل ہوتے ہیں۔ ایک مسلمان کو گرجا گھر کی دیکھ بھال کرتے دیکھ کر عیسائی سیاح خوش ہوتے ہیں اور وحید مراد کو سراہتے ہیں اور بعض اوقات انھیں تحائف بھی دیتے ہیں۔ پشاور کے معروف مذہبی اسکالر اور پاکستان کونسل برائے عالمی مذاہب کی کور کمیٹی کی رکن پروفیسر ڈاکٹر عبدالغفور کہتے ہیں کہ یہ ہمارے معاشرے کی اصل تصویر ہے جہاں مختلف عقائد کے لوگ مذہبی رواداری کے ساتھ رہتے ہیں۔ پروفیسر عبدالغفور کا کہنا ہے کہ وحید مراد کے علاوہ بھی مختلف شہروں میں بہت سے مسلمان گرجا گھروں میں خدمات انجام دے رہے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔