ٹھٹھہ پی پی کا گڑھ ہے 22 اگست کو ثابت ہو جائیگا ریحانہ لغاری

22 اگست کو ضمنی انتخاب میں ٹھٹھہ کے عوام انھیں ووٹ کی طاقت سے مسترد کر کے ثابت کردینگے کہ ضلع ٹھٹھہ آج بھی پی پی کا گڑھ اور قلعہ ہے

---

پیپلز پارٹی کی رکن سندھ اسمبلی ریحانہ لغاری نے کہا ہے کہ دھونس دھاندلی اور چور دروازوں سے اقتدار حاصل کرنے والوں کو عوام پہچان گئے ہیں۔

22 اگست کو ضمنی انتخاب میں ٹھٹھہ کے عوام انھیں ووٹ کی طاقت سے مسترد کر کے ثابت کردینگے کہ ضلع ٹھٹھہ آج بھی پی پی کا گڑھ اور قلعہ ہے، ان خیالات کا اظہار انھوں نے دھابیجی پمپنگ اسٹیشن کی لیبر کالونی میں این اے 237 پر پی پی کی نامزد امیدوار شمس النسا کی الیکشن مہم کے دوران کارنر میٹنگ کے دوران کیا۔



اس موقع پر پیپلز لیبر یونین واٹر بورڈ آؤٹ اسٹیشن کے چیئرمین معشوق لغاری سمیت کا تیار برادری اور اقلیتی برادری نے پی پی امیدوار کی حمایت کا اعلان کیا، علاوہ ازیں پی پی کے سابق صوبائی وزیر صادق میمن، غلام قادر پلیجو، طیب سر کی ودیگر نے دھابے جی ٹاؤن، غریب آباد مارکیٹ، بلال نگر، ماڈل ٹاؤن ، مارکیٹ نئی آبادی، کا دورہ کیا اور مختلف کارنر میٹنگز سے خطاب کیا، اس موقع پر شیرازی گروپ کے رکن اور اقلیتی برادری کے سربراہ سندرداس نے اپنی برادری کے ہمراہ پی پی میں شمولیت کا اعلان کیا۔