شعیب اختر کا میلبورن میں گھٹنے کا کامیاب آپریشن

آپریشن بالکل صحیح اور کامیاب ہوا ہے، شعیب اختر

---

KARACHI: سابق کرکٹر شعیب اختر کا آسٹریلیا کے شہر میلبورن میں گھٹنے کا کامیاب آپریشن ہو گیا۔

راولپنڈی ایکسپریس نے اپنے مداحوں کے لیے وڈیو پیغام بھی جاری کیا، آپریشن کے بعد کمرے میں منتقل ہونے کے بعد راولپنڈی ایکسپریس کا کہنا تھا کہ آپریشن بالکل صحیح اور کامیاب ہوا ہے، تھوڑی تکلیف محسوس کررہا ہوں، جلد صحتیاب ہو جاؤں گا۔

For all my fans, my knee operation has been successfully completed in Australia. I have just made a short video for all my loving and caring fans . Remember @shoaib100mph in your prayers. #ShoaibAkhtar #Pakistan pic.twitter.com/PtkbWZUYeM

— Shoaib Akhtar (@shoaib100mph) August 28, 2019

شعیب اختر نے کہا کہ اس بار انہیں معمول کے مطابق چلنے میں 2 سے 3 ہفتے لگیں گے۔ انہوں نے اپنے چاہنے والوں سے دعاؤں کی درخواست بھی کی ہے۔ اس سے قبل شعیب اختر کے بائیں گھٹنے کا آپریشن ہوچکا ہے جس کے بعد آج ان کے دائیں گھٹنے کا آپریشن کیا گیا۔