اپوزیشن کا پہلا جلسہ کوئی تاثر قائم نہیں کر سکا فواد چوہدری

گزشتہ رات قائدین کی تقاریر میں بازاری زبان استعمال کی گئی، وفاقی وزیر (فوٹو : فائل)

---

وفاقی وزیر سائنس و ٹیکنالوجی فواد چوہدری کا کہنا ہے کہ اپوزیشن کے جلسے میں 15 سے 18 ہزارلوگ تھے اوراپوزیشن کا پہلا جلسہ کوئی تاثر قائم نہیں کر سکا۔

سماجی رابطے کی ویب سائٹ ٹویٹر پر اپنی ٹویٹ میں وفاقی وزیر سائنس و ٹیکنالوجی فواد چوہدری کا کہنا تھا کہ گزشتہ روز ہونے والے اپوزیشن کے جلسے کے حوالےسے تمام غیرجانبدارتجزیہ کار بھی کہہ رہے ہیں کہ جلسے میں 15 سے 18 ہزار افراد تھے اوراپوزیشن کا پہلا جلسہ کوئی تاثر قائم نہیں کر سکا۔

تمام غیرجانبدارتجزیہ کار بھی کہ رہے ہیں کہ جلسہ میں پندرہ سےاٹھارہ ہزارلوگ تھے اوراپوزیشن کا پہلا جلسہ کوئ تاثر قائم نہیں کر سکا،قائدین کی تقاریر میں لچر زبان استعمال کی گئ اوراداروں کیخلاف محاز بنانے کی ناکام کوشش کی گئ،لگتا یہی ہے کہ اس جلسے سے اپوزیشن کو فائدہ نہیں نقصان ہوا

— Ch Fawad Hussain (@fawadchaudhry) October 17, 2020

فواد چوہدری کا کہنا تھا کہ گزشتہ رات قائدین کی تقاریر میں بازاری زبان استعمال کی گئی اوراداروں کے خلاف محاذ بنانے کی ناکام کوشش کی گئی، لگتا یہی ہے کہ اس جلسے سے اپوزیشن کو فائدہ نہیں نقصان ہوا۔