صدر نیشنل بینک کی تقرری ٹرانسپیرنسی انٹرنیشنل کا وزرا کے خلاف نیب ریفرنس کا مطالبہ

نیشنل بینک کے صدر عارف عثمانی کی فائل فوٹو

---

ٹرانسپرنسی انٹرنیشنل نے نیشنل بینک کے صدر اور چیئرمین کی خلاف ضابطہ تقرری کے خلاف نیب ریفرنس دائر کرنے کی سفارش کردی کرتے ہوئے ذمہ دار وزرا کے خلاف کارروائی کا مطالبہ کردیا۔

ایکسپریس نیوز کے مطابق ٹرانسپیرنسی انٹرنیشنل پاکستان نے وزیر خزانہ شوکت ترین کو ایک خط ارسال کیا ہے جس میں کہا گیا ہے کہ خلاف قانون تقرریوں پر شوکت عزیز، شاہد خاقان عباسی کے خلاف نیب ریفرنسز درج ہوچکے ہیں، نیشنل بینک کے صدر، چیئرمین کی تقرری قواعد کے برخلاف تھی اور وہ غیر قانونی قرار دی جاچکی اس لیے ان کے خلاف بھی نیب ریفرنسز دائر کیے جائیں۔

یہ بھی پڑھیں : نیشنل بینک کے صدر عارف عثمانی کو فوری عہدے سے ہٹانے کا حکم

ٹرانسپیرنسی انٹرنیشنل نے کہا ہے کہ نیشنل بینک کے صدر، چیئرمین کی خلاف ضابطہ تقرری کے معاملے میں قومی خزانے کو نقصان پہنچانے کے ذمہ داروں کے خلاف کارروائی کی جائے اور کروڑوں روپے کی مراعات وصول کرکے قومی خزانے میں واپس جمع کرائی جائیں۔