عراق میں بم دھماکے اور پرتشدد واقعات 21 افراد ہلاک 26 عسکریت پسندوں کو پھانسی

لڑائی کی وجہ سے علاقے سے بڑی تعدادمیں لوگ نقل مکانی کرچکے ہیں۔فوٹو:اے ایف پی

---

عراق میں بم دھماکوں اورپرتشدد واقعات میں 21 افراد ہلاک اور 28 زخمی ہوگئے جبکہ دہشت گردی کی کارروائیوں میں ملوث26عسکریت پسندوں کو پھانسی دیدی گئی۔

غیرملکی خبررساں ادارے کے مطابق صوبہ انبارمیں القاعدہ کے جنگجوئوں کے خلاف فوج کاآپریشن جاری ہے ،لڑائی کی وجہ سے علاقے سے بڑی تعدادمیں لوگ نقل مکانی کرچکے ہیں۔فلوجہ کے قریب گورنر کے مشیرکو اغواکرلیا گیا۔خالدیہ کے علاقے میں سیکیورٹی فورسز نے6عسکریت پسندوں کو ہلاک کردیا۔موصل میں شادی کی تقریب میں فائرنگ سے2پولیس اہلکارہلاک ہوگئے،ایک انٹیلی جنس آفیسرکوقتل کردیاگیاجبکہ اس کے 2 ساتھی زخمی ہوگئے۔



مسلح افرادکے حملے میں3پولیس اہلکارہلاک ہوگئے۔بغدادمیں کاربم دھماکے میں11افرادزخمی ہوگئے۔بایہ میں ایک شخص پولیس کی فائرنگ سے ماراگیا۔تل الرحمن میں بم دھماکے میں 3 عراقی فوجی ہلاک اور4زخمی ہوگئے ۔ تکریت میں بم دھماکے میں9پولیس اہلکار زخمی ہوگئے۔ تہارکے علاقے میں پولیس نے3مسلح افرا دکو ہلاک کردیا۔ دوسری جانب عراقی وزیر قانون حسن الشمری کا کہناہے کہ ملک میں دہشتگردی کی کارروائیوں میں ملوث 26دہشتگردوں کوتختہ دار پر لٹکا دیا گیا۔ سزائے موت پانیوالے تمام دہشتگردوں کاتعلق عراق سے تھا۔