- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، چیف جسٹس
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
کراچی میں ’ٹارگٹ کلنگ‘ کے واقعے میں تاجر جاں بحق
کراچی: شہر قائد کے ڈسٹرکٹ ایسٹ میں مبینہ ٹارگٹ کلنگ کے واقعے میں شہری جاں بحق ہوگیا، چند روز میں دوسرے واقعہ نے پولیس کی کارکردگی کا پول کھول دیا۔
شہر میں پولیس کی جانب سے سیکیورٹی کے اقدامات اور اسنیپ چیکنگ کے باوجود کشمیر روڈ پر ٹارگٹ کلنگ کے واقعہ میں نامعلوم ملزمان کی اندھا دھند فائرنگ سے کار سوار شہری جاں بحق ہوگیا۔
کشمیر روڈ پر قائم کشمیر کمپلیکس کے قریب سلور رنگ کی آلٹو کار رجسٹریشن نمبر بی کیو ایکس 847 ماڈل 2019 پر موٹر سائیکل سوار ملزمان نے اندھا دھند فائرنگ کی جس کے نتیجے میں اس میں سوار 42 سالہ عامر ولد ہارون شدید زخمی ہوا جسے فوری طبی امداد کے لیے جناح اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔
واقعے کی اطلاع ملتے ہی پولیس اور رینجرز کی نفری موقع پر پہنچی۔ اس حوالے سے ایس پی جمشید کوارٹر زبیر تنولی نے بتایا کہ جائے وقوعہ سے ٹرپل ٹو رائفل کے 3 خول ملے ہیں جبکہ کار پر بھی گولیوں کے 3 نشانات پائے گئے ہیں تاہم ابتدائی طور پر واقعہ ذاتی رنجش کا شاخسانہ معلوم ہوتا ہے جبکہ کار کے فرانزک معائنے کے دوران اس پر گولی لگنے کا ایک پرانا نشان بھی پایا گیا ہے جبکہ مقتول کی صدر میں جیولرز کی دکان ہے۔
مقتول جس گاڑی میں سوار تھا وہ اس کے نام پر رجسٹرڈ تھی ، مقتول کی جیب سے ملنے والے شناختی کارڈ پر اس کا موجودہ پتہ فلیٹ نمبر اے 90 ، اسٹریٹ نمبر 6 ، گلشن اقبال بلاک تیرہ سی ضلع شرقی جبکہ مستقل پتہ فلیٹ نمبر بی فائیو اپسرا اپارٹمنٹ گلشن اقبال بلاک 14 ضلع شرقی درج تھا۔
پولیس کا کہنا ہے کہ جائے وقوعہ سے قریب نصب کلوز سرکٹ کیمروں کی فوٹیجز حاصل کی جا رہی ہیں تاکہ ملزمان کے حوالے معلومات حاصل کی جا سکے۔
واضح رہے اس سے قبل گزشتہ ماہ 26 فروری کو گلستان جوہر کے علاقے بلاک 7 میں ماہر تعلیم خالد رضا کو بھی نامعلوم موٹر سائیکل سوار ملزمان نے گھر کے سامنے ٹارگٹ کلنگ کا نشانہ بنایا تھا اور پولیس تاحال اس واردات میں ملوث ملزمان کا سراغ لگانے میں ناکام ہے ۔
جناح اسپتال میں مقتول کے اہل خانہ نے بتایا کہ اس پر 2021 میں بھی قاتلانہ حملہ ہو چکا ہے جس میں وہ زخمی ہوا تھا جبکہ وہ سنار کے علاوہ بلڈر کا کام بھی کر رہا تھا . ڈی ایس پی قیصر علی شاہ نے بتایا کہ ابتدائی طور پر شبہ ہے کہ واقعہ میں اجرتی قاتل ملوث ہو سکتے ہیں۔ ایس ایچ او جمشید کوارٹر خالد رفیق نے بتایا کہ مقتول کے خلاف 4 اور اس کی مدعیت میں 3 مقدمات درج ہیں جو کہ دفعہ 324 اور چیک باؤنس کی دفعہ کے تحت درج ہیں جس میں وہ مقتول مدعی ، گواہ اور ملزم بھی تھا جبکہ 2021 میں مقتول عامر ہارون پر قاتلانہ حملے کا مقدمہ نمبر 172 سال 2021 صدر تھانے میں درج ہے ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔