ثانیہ مرزا نے عمرہ ادا کرلیا، بیٹے کے ساتھ تصاویر شئیر کردیں

ویب ڈیسک  بدھ 22 مارچ 2023
ثانیہ مرزا اپنے شوہر شعیب ملک کے ساتھ بھی عمرہ ادا کرچکی ہیں:فوٹو:سوشل میڈیا

ثانیہ مرزا اپنے شوہر شعیب ملک کے ساتھ بھی عمرہ ادا کرچکی ہیں:فوٹو:سوشل میڈیا

مدینہ منورہ: بھارت کی سابق ٹینس اسٹار ثانیہ مرزا نے خاندان کے ہمراہ عمرہ ادا کرلیا۔

قومی کرکٹر شعیب ملک کی اہلیہ اور سابق بھارتی ٹینس اسٹار ثانیہ مرزا نے اپنے بیٹے اذہان مرزا کے ساتھ تصاویر سوشل میڈیا پر شئیر کردیں۔ تصاویر میں ثانیہ مرزا کو عبایا پہنے بیٹے کے ساتھ دیکھا جا سکتا ہے۔

ثانیہ مرزا نے اپنے والد عمران مرزا، والدہ نسیمہ مرزا، بہن انعم مرزا اور بہنوئی محمد اسدالدین کی بھی چند تصاویر شیئر کیں اور کیپشن میں عمرہ ادائیگی پر اللہ کا شکر ادا کیا۔ ثانیہ مرزا اس سے قبل 2018 میں شعیب ملک کے ساتھ عمرے کی سعادت حاصل کرچکی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔