بھارتی فضائیہ کا طیارہ ہچکولے کھاتے ہوئے زمین بوس ہوگیا

بھارتی فضائیہ کے تباہ ہونے والے طیارے میں دو فوجی پائلٹس موجود تھے؛ فوٹو: ٹوئٹر

---

بھارتی ریاست کرناٹک کے ضلع چامراج نگر میں انڈین ایئرفورس کا طیارہ گر کر تباہ ہوگیا جس میں دو پائلٹ موجود تھے۔

بھارتی میڈیا کے مطابق انڈین ایئر فورس کا طیارہ 'کرن' معمول کی تربیتی پرواز پرمامور تھا جس نے سورت گڑھ کے فضائی اڈے سے اُڑان بھری تھی۔ طیارہ زیر تربیت پائلٹ اُڑا رہا تھا اور ایک سینیئر انسٹرکٹر پائلٹ ان کے ساتھ تھے۔

پرواز بھرنے کے کچھ ہی دیر بعد طیارے کا رابطہ کنٹرول ٹاور سے منقطع ہوگیا تھا جس پر طیارے کی تلاش کے لیے سرچ آپریشن کیا گیا اور ایک میدانی علاقے میں طیارے کا ملبہ مل گیا جو آگ لگنے کی وجہ سے مکمل طور پر جل کر خاکستر ہوگیا تھا۔

عینی شاہدین کا کہنا ہے کہ انھوں نے صبح ایک فوجی طیارے کو فضا میں ہچکولے کھاتے ہو ئے تیزی سے زمین کی طرف آتے دیکھا جس پر دیہاتی میدان سے بھاگ کھڑے ہوئے۔ زمین پر گرتے ہی زوردار دھماکا ہوا اور طیارے میں آگ بھڑک اُٹھی تھی۔

#WATCH | A Kiran trainer aircraft of the IAF crashed near Chamrajnagar, Karnataka today, while on a routine training sortie. Both aircrew ejected safely. A Court of Inquiry has been ordered to ascertain the cause of the accident: Indian Air Force pic.twitter.com/RQn6JFRJqH

— ANI (@ANI) June 1, 2023

بھارتی فضائیہ کے ترجمان کی جانب سے جاری بیان میں کہا گیا ہے کہ دونوں پائلٹس نے دوران پرواز طیارے میں خرابی پیدا ہونے کے پیش نظر پیرا شوٹ کی مدد سے طیارے سے باہر چھلانگ لگادی تھی۔

یہ خبر پڑھیں : بھارتی فضائیہ کا جنگی طیارہ گھر پر گر کر تباہ، 3 شہری ہلاک

بیان میں کہا گیا ہے کہ دونوں پائلٹس محفوظ ہیں تاہم انھیں معمولی چوٹیں آئی ہیں۔ واقعے کی تحقیقات کے لیے کمیٹی تشکیل دیدی گئی ہے۔

بھارت میں غیر پیشہ ورانہ رجحان اور تربیت کے فقدان کے باعث فوجی طیاروں کے حادثات معمول کی بات بن چکے ہیں۔ 8 مئی کو بھارتی فضائیہ MiG-21 لڑاکا طیارہ راجستھان کے ہنومان گڑھ میں ایک جھگی پر گر گیا تھا۔

A Kiran trainer aircraft of the IAF crashed near Chamrajnagar, Karnataka today, while on a routine training sortie. Both aircrew ejected safely. A Court of Inquiry has been ordered to ascertain the cause of the accident.

— Indian Air Force (@IAF_MCC) June 1, 2023

اس واقعے میں بھی پائلٹس نے چھلانگ لگا کر اپنی جانیں تو بچالی تھیں لیکن طیارہ جس جھگی پر گرا اس میں آگ بھڑکنے سے 3 خواتین اور ایک شیر خوار بچہ ہلاک ہوگئے تھے۔