چاکلیٹ نقصان دہ نہیں بلکہ اس میں صحت کا خزانہ چھپا ہوتا ہے تحقیق

براؤن چاکلیٹ کے اندر بھرپور توانائی چھپی ہوتی ہے جو زبان کو ذائقہ دینے کے ساتھ جسم کوکئی بیماریوں سےبچاتی ہے،تحقیق

ویب ڈیسک November 14, 2014

براؤن چاکلیٹ نقصان پہنچانے والے کولیسٹرول کو کم کرنے کے ساتھ مفید کولیسٹرول کو بڑھاتی ہے،تحقیق۔ فوٹو فائل

چاکلیٹ کا کھانے کا شوق بچوں کو ہی نہیں بڑوں کو بھی ہوتا ہے اگر نہیں بھی ہے تو اب فوری چاکلیٹ کھانا شروع کردیں کیونکہ برطانیہ میں اس پر کی گئی نئی تحقیق میں ثابت ہوا ہے کہ چاکلیٹ مزے دار ہونے کے ساتھ ساتھ صحت مند بھی ہوتی ہے۔

بعض لوگوں کا خیال ہے کہ سفید چاکلیٹ اکثر چینی سے بنی ہوتی ہے اور صحت کے لیے نقصان دہ ہے تاہم واضح رہے کہ براؤن چاکلیٹ ایسا کچھ نہیں بلکہ اس کے اندر بھرپور توانئی چھپی ہوتی ہے جو زبان کو ذائقہ دینے کے ساتھ جسم کو کئی بیماریوں سے بھی بچاتی ہے، یہ انسانی جسم کی قوت مدافعت پیدا کرنے والے عناصر کو مضبوط کرتی ہے، چاکلیٹ میں موجود کوکا، پوٹاشیم، آئرن، زنک اور میگنیشیم پایا جاتا ہے جو دماغی صحت کو بہتر کرنے میں مدد گار ہوتے ہیں۔

براؤن چاکلیٹ کی سب سے اہم اور صحت کے لیے مفید خوبی یہ ہے یہ نقصان پہنچانے والے کولیسٹرول کو کم کرنے کے ساتھ مفید کولیسٹرول کو بڑھاتی ہے۔ ریسرچ کے مطابق تھوڑی سے ورزش اور اچھی غذا کے ساتھ براؤن چاکلیٹ کھانے سے بیڈ کولیسٹرول (ایل ڈی ایل) کم ہوتا ہے اور صحت مند کولیسٹرول (ایچ ڈی ایل) بڑھتا ہے۔

براؤن چاکلٹ کی دوسری اہم خوبی یہ ہے کہ اس سے بلڈ پریشر کو نارمل رکھنے میں مدد ملتی ہے۔ یہ جسم میں موجود ' پولی فینول ' کو بڑھاتا ہے جو خون میں موجود آکسیجن کی روانی کوبڑھا دیتا ہے، چاکلیٹ کھانے سے ذہنی سکون حاصل ہوتا ہے کیونکہ براون چاکلیٹ دماغ میں ' سیروٹونین ' پیدا کرتا ہے جس سے انسان کے اندر تازگی کا احساس تازگی پیدا ہوتا ہے اور انسان ک کا ذہن ذہنی دباؤ سے آزاد ہوجاتا ہے۔ براؤن چاکلیٹ دل کی بیماریوں سے بچنے میں بھی اہم کردار ادا کرتی ہے، اسے کھانے سے دل میں دوران خون بڑھ جاتا ہے اورشریانوں کو سخت ہونے نہیں دیتا۔