مشال قتل کیس 2 ملزمان کے نام ای سی ایل میں ڈالنے کا فیصلہ

ملزمان عارف اور علی خان کے بیرون ملک فرار کی خبروں میں کوئی صداقت نہیں، ڈی آئی جی مردان، فوٹو؛ فائل

---

مشال قتل کیس کے 2 ملزمان عارف اور علی خان کے نام ایگزٹ کنٹرول لسٹ میں ڈالنے کا فیصلہ کرلیا گیا۔

ایکسپریس نیوز کے مطابق ڈی آئی جی مردان عالم شنواری کا کہنا ہے کہ مشال قتل کیس کے نامزد ملزمان عارف اور علی خان کے بیرون ملک فرار کی خبروں میں کوئی صداقت نہیں، دونوں ملزمان کے پاسپورٹ کی مدت ختم ہوچکی ہے جب کہ ان کا نام بھی ای سی ایل میں ڈالنے کا فیصلہ کیا گیا ہے۔

اس خبر کو بھی پڑھیں :مشال خان پر فائرنگ کرنے والا مرکزی ملزم گرفتار

واضح رہے کہ 13 اپریل کو عبدالولی خان یونیورسٹی مردان کیمپس میں طالب علم مشال خان پر مبینہ طور پر توہین رسالت کا الزام لگا کر طالب علموں کے مشتعل ہجوم نے اس پر شدید تشدد کیا جس سے وہ موقع پر ہی جاں بحق ہوگیا تھا۔