جونیئر ورلڈ اسنوکر پاکستان کے نسیم اختر چیمپئن بن گئے

16 سالہ نسیم اختر نے فائنل میں میزبان چین کے کیوئسٹ پی فین لی کو 3-5 سے شکست دیتے ہوئے ٹرافی اپنے نام کر لی ۔ فوٹو : سوشل میڈیا

---

KARACHI: پاکستان کے نوجوان کیوئسٹ نسیم اختر نے ورلڈ انڈر 18 اسنوکر چیمپئن شپ اپنے نام کرلی۔

چین میں جاری عالمی ایونٹ کے فائنل میں 16 سالہ نسیم اختر نے فائنل میں میزبان چین کے کیوئسٹ پی فین لی کو 3-5 سے شکست دیتے ہوئے ٹرافی اپنے نام کر لی۔ وہ عالمی جونیئر چیمپئن شپ جیتنے والے پہلے پاکستانی کیوئسٹ ہیں۔

ساہیوال سے تعلق رکھنے والے نسیم اختر کو ابتدائی فریمز میں مشکلات کا سامنا کرنا پڑا تاہم انہوں نے پانچویں فریم میں شاندار کم بیک کرتے ہوئے مقابلہ 3-5 سے اپنے نام کیا۔ مقابلے کا اسکور62-20، 68-69، 71-37، 57-19، 06-127، 40-84، 37-61، 08-74 رہا۔



واضح رہے کہ ایونٹ میں پاکستان کی جانب سے 2 کیوئسٹ شریک ہوئے۔ پاکستان کے حارث طاہر کو راؤنڈ 16میں نسیم اختر سے شکست کا سامنا کرنا پڑا۔ نسیم اختر اور حارث طاہر اب بدھ سے چین میں ہی شیڈول ورلڈ انڈر 21 چیمپئن شپ میں پاکستان کی نمائندگی کریں گے۔