’سوئی دھاگا‘ دیکھ کر انوشکا پر فخر ہورہا ہے، کوہلی

ویب ڈیسک  جمعـء 28 ستمبر 2018
میں نے سوئی دھاگا دوسری بار دیکھی ہے اور یہ مجھے پہلی بار سے بھی زیادہ اچھی لگی ہے، کوہلی فوٹوفائل

میں نے سوئی دھاگا دوسری بار دیکھی ہے اور یہ مجھے پہلی بار سے بھی زیادہ اچھی لگی ہے، کوہلی فوٹوفائل

ممبئی: بھارتی کرکٹر ویرات کوہلی نے اپنی اہلیہ انوشکا شرما کی تعریفوں کے پُل باندھتے ہوئے کہا ہے کہ فلم سوئی دھاگا دیکھ کر انہیں  بیوی پر فخر ہورہا ہے۔

گزشتہ روز ممبئی میں اداکار ورون دھون اور انوشکا شرما کی فلم’’سوئی دھاگا‘‘کی اسپیشل اسکرین منعقد کی گئی جس میں انوشکا شرما، ویرات کوہلی اور کرکٹر ظہیر خان سمیت متعدد افراد نے شرکت کی۔

فلم دیکھنے کے بعد کوہلی نے ٹوئٹر پر انوشکا کی تعریفوں کے پُل باندھتے ہوئے کہا ’’میں نے سوئی دھاگا دوسری بار دیکھی ہے اور یہ مجھے پہلی بار سے بھی زیادہ اچھی لگی ہے، فلم کی پوری کاسٹ نے بہت عمدہ پرفارمنس دی ہے۔‘‘

ایک اور ٹوئٹ میں ویرات کوہلی نے لکھا’’فلم میں ورون دھون کی پرفارمنس اچھی تھی لیکن انوشکا شرما کے کردارممتا نے میرا دل جیت لیا، انوشکا کی بہترین اداکاری آپ کو ان سے محبت کرنے پر مجبور کردے گی، فلم دیکھنے کے بعد مجھے اپنی اہلیہ پر بے حد فخر محسوس ہورہا ہے، لہٰذا فلم ضرور دیکھئے گا۔‘‘

https://twitter.com/imVkohli/status/1045511794708680706

واضح رہے کہ انوشکا شرما اورورون دھون کی فلم’’سوئی دھاگا‘‘آج ریلیز ہورہی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔