انوشکا شرما سورج برجاتیاکی فلم میں سلمان کی ہیروئن بنیں گی

انوشکا شرما کا کہنا ہے کہ سلمان خان کے ساتھ فلم میں مرکزی کردار ادا کرنا ان کا خواب تھا جو بالآخر پورا ہونے جارہا ہے۔ فوٹو: فائل

---

KARACHI: شاہ رخ خان کے ساتھ اپنے بالی ووڈ کیرئیر کا آغاز کرنے والی اداکارہ انوشکا شرما نئی آنے والی فلم میں سلمان خان کی ہیروئن بنیں گی۔

ذرائع ابلاغ کے مطابق دبنگ خان اور انوشکا شرما معروف ہدایتکار سورج برجاتیا کی نئی فلم میں ایک ساتھ نظر آئیں گے تاہم فلم کی مکمل کاسٹ کے نام اب تک منظرعام پر نہیں آئے۔



انوشکا شرما کا کہنا ہے کہ سلمان خان کے ساتھ فلم میں مرکزی کردار ادا کرنا ان کا خواب تھا جو بالآخر پورا ہونے جارہا ہے۔ سلمان خان نے بھی اس خبرکی تصدیق کرتے ہوئے کہا ہے کہ انوشکا ایک باصلاحیت اداکارہ ہیں اور امید ہے کہ شائقین کو انوشکا شرما کے ساتھ ان کی جوڑی پسند آئے گی۔