- ویسٹ انڈیز ویمن ٹیم نے پاکستان کو دوسرا ٹی ٹوئنٹی بھی ہرادیا
- کیپٹن کرنل شیر خان شہید کے مزار کی تزئین و آرائش اور مرمت مکمل
- پاکستان ڈیجیٹل کرنسی کی جانب جانے کا سوچ رہا ہے، وفاقی وزیر خزانہ
- مردان میں انسداد تجاوزات آپریشن میں قبضہ مافیا کی فائرنگ سے ریلوے پولیس کے دو اہلکار شہید
- وزیراعظم کی آئی ایم ایف کی سربراہ سے ملاقات، نئے قرض پروگرام پر تبادلہ خیال
- آپ کا مشن ہمارا مشن، پاکستان کی ترقی ہماری ترقی ہے، سعودی وزرا کی وزیراعظم کو یقین دہانی
- روس؛ فوربز سے منسلک صحافی فوج سے متعلق فیک نیوز پھیلانے کے الزام میں نظربند
- کراچی میں سال کا گرم ترین دن ریکارڈ
- آئی پی ایل: ٹم ڈیوڈ کا چھکا پکڑنے کی کوشش میں تماشائی زخمی ہوگیا
- آئی ایم ایف کے پاس جانا اپنی ناکامی کا اعتراف ہے، شاہد خاقان عباسی
- اذلان شاہ ہاکی کپ کیلئے 18 رکنی قومی اسکواڈ کا اعلان
- لڑکوں کے مقابلے میں لڑکیاں ویپنگ زیادہ کرتی ہیں، تحقیق
- انگریزی بولنے کی مشق کے لیے گوگل کا اہم اقدام
- بھارت میں گول گپے بیچنے والا مودی کا ہمشکل
- مبینہ انتخابی دھاندلی: مولانا فضل الرحمٰن کا 9 مئی کو اگلا لائحہ عمل دینے کا اعلان
- ڈیرہ اسماعیل خان میں سیکیورٹی فورسز کی کارروائی کے دوران دو دہشت گرد ہلاک
- موٹروے پولیس اہلکار کی بکری لے جانے کی ویڈیو وائرل، معاملہ حل ہوگیا
- بھارت؛ اترپردیش میں ٹاپ کرنے والی طالبہ شکل و صورت پر ٹرولنگ کا شکار
- نند کی شادی پر انگوٹھی اور ٹی وی دینے پر بیوی نے شوہر کو قتل کروادیا
- وزیراعظم شہباز شریف نے اسحاق ڈار کو نائب وزیراعظم مقرر کردیا
مفرور کچھوے نے پولیس کو چکرا کر رکھ دیا
اوریگون: امریکی پولیس نے ٹوئٹر پر عوام سے درخواست کی ہے کہ وہ ایک پالتو جانوروں کی دکان سے ’مفرور کچھوے‘ کو تلاش کرنے میں ان کی مدد کرے۔
افریقی نسل کے اس کچھوے کا نام ’والٹر‘ ہے جس کی عمر 30 سال اور وزن تقریباً 25 پاؤنڈ ہے۔ اسے امریکی ریاست اورلینڈو کے شہر ولسن ویلی میں پالتو جانور فروخت کرنے والی دکان ’کریٹر کبانا‘ میں رکھا گیا تھا جہاں سے یہ دو روز پہلے فرار ہوگیا۔
NEWS RELEASE: Wilsonville PD seeks tips after tortoise escapes Critter Cabana, is taken by unknown woman — https://t.co/d9nuDsmMP7 pic.twitter.com/3ON4EgJHSv
— Wilsonville Police (@WilsonvillePD) August 3, 2021
کچھوے عام طور پر سست رفتار ہوتے ہیں لیکن والٹر کو کچھووں کا ’فلیش‘ کہا جاسکتا ہے کیونکہ یہ ایک گھنٹے میں دو میل جتنا فاصلہ طے کرسکتا ہے جبکہ یہ پہلے بھی ایک مرتبہ دکان سے فرار ہونے کی ناکام کوشش کرچکا ہے۔
اسی دکان میں والٹر کا بھائی ’ویسلی‘ بھی ہے جو خاصا تیز رفتار ہے لیکن پھر بھی اس کی رفتار والٹر سے خاصی کم ہے۔
خبروں کے مطابق، والٹر 2 اگست کو بڑی خاموشی کے ساتھ دکان سے فرار ہوگیا اور وہاں موجود عملے کو کانوں کان خبر تک نہ ہوئی۔ شام کے وقت، جب دکان میں رکھے گئے کچھووں اور دوسرے جانوروں کی گنتی جاری تھی تو معلوم ہوا کہ والٹر غائب ہے۔
سی سی ٹی وی فوٹیج سے انکشاف ہوا کہ والٹر چند گھنٹے پہلے دکان کے دروازے سے باہر نکلا تھا جبکہ اس وقت دکان کا تمام عملہ دوسرے کاموں میں مصروف تھا اور اس جانب نہیں دیکھ رہا تھا۔
پولیس کی اب تک کی تفتیش سے صرف اتنا معلوم ہوا ہے کہ سنہرے بالوں والی کسی ادھیڑ عمر خاتون نے والٹر کو قریب ہی مرکزی سڑک سے اٹھایا تھا اور اپنے ساتھ لے گئی تھیں۔
عینی شاہدین کے مطابق، وہ خاتون کہہ رہی تھیں کہ یہ ان کے پڑوسیوں کا پالتو کچھوا ہے جسے وہ ان کے گھر پہنچائیں گی۔
مفرور کچھوے والٹر کے بارے میں مزید کوئی سراغ نہ ملنے پر ولسن ویلی پولیس نے مجبوراً ٹوئٹر پر ایک پوسٹ ڈال دی جس میں والٹر کے علاوہ اس کے بھائی ویسلی کی تصویریں بھی لگائی گئی ہیں۔
پولیس کو یقین ہے کہ جلد ہی انہیں معلوم ہوجائے گا کہ والٹر فرار ہونے کے بعد کہاں گیا اور اب کس کے پاس ہے۔
لیکن اب تک پولیس حیران و پریشان ہے کہ والٹر نے کس طرح اپنی رفتار اور ذہانت کا بیک وقت استعمال کرتے ہوئے فرار میں کامیابی حاصل کی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔