اسلام آباد ہائیکورٹ نے اسحاق ڈارکا گھرنیلام کرنے کی اجازت دےدی

احتساب عدالت نے نومبرمیں اسحاق ڈارکا گھرنیلام کرنے کا حکم دیا تھا:فوٹو:فائل

---

CHICHWATNI: اسلام آباد ہائیکورٹ نے حکومت کو لاہورمیں (ن) لیگ کے رہنما اسحاق ڈارکا گھرنیلام کرنے کی اجازت دے دی۔

اسلام آباد ہائیکورٹ نے اسحاق ڈار کی اہلیہ تبسم ڈار کی جانب سے گھرکی نیلامی روکنے کی درخواست مستردکرتے ہوئے لاہورکے علاقے گلبرگ میں واقع گھرکونیلام کرنے کی اجازت دے دی۔

اسلام آباد ہائیکورٹ نے گھرپرتبسم ڈار کا دعویٰ مسترد کرنے کا فیصلہ برقراررکھتے ہوئے گھرکی نیلامی پردیا گیا حکم امتناعی بھی ختم کردیا۔

احتساب عدالت نے7 نومبرکولاہورمیں اسحاق ڈارکے گھرکو ضبط کرکے نیلام کرنے کا حکم دیا تھا۔

گھرکی نیلامی کے کیخلاف درخواست میں تبسم ڈارنے موقف اختیارکیا تھا کہ گھران کی ملکیت ہے جواسحاق ڈار نے انہیں 1989 میں تحفے میں دیا تھا۔

تبسم ڈارکا یہ بھی کہنا تھا کہ احتساب عدالت نے گھرپرمیرے دعوے کی تحقیق کئے بغیرضبطگی اورنیلامی کا حکم جاری کیا۔