قندھارمیں پاکستانی قونصل خانے کا ٹوئٹر اکاؤنٹ ’’ہیک‘‘ کرلیا گیا

 اسلام آباد: افغان شہر قندھار میں پاکستانی قونصل خانے کا آفیشل ٹوئٹر اکاؤنٹ “ہیک” کر لیا گیا۔

قونصل خانے کے ٹوئٹر اکاؤنٹ کی جانب مشن کی عارضی بندش کے بارے میں ٹوئٹ کیا گیا جس کے فوراً بعد ہی قونصل جنرل طارق علی نے تصدیق کی کہ پاکستانی قونصل خانے کا آفیشل ٹوئٹر اکاؤنٹ ہیک کرلیا گیا تھا جسے فوری طور پر بحال کرلیا گیا۔

خیال رہے اس سے ایک روز قبل ہی صحافی انس ملک نے ٹوئٹ کیا تھا کہ ’پاکستان قندھار میں اپنا قونصل خانہ دو دن کے لیے بطور احتجاج بند کر دے اور طالبان حکومت پر زور دے کر کہ وہ ٹی ٹی پی (تحریک طالبان پاکستان) کے خلاف کارروائی کرے اور انہیں محفوظ پناہ گاہیں نہ دے اور اس ضمن میں سفارتی تعلقات منقطع کرنے کا پہلا قدم ہوسکتا ہے‘۔

Pakistan to close its consulate in Kandahar for two days as a mark of protest while strongly urging Taliban govt to act against TTP and not giving them safe havens, reads tweets from the Consulate's account – Also states that this can be the first step to severing diplo ties.

— Anas Mallick (@AnasMallick) December 2, 2022

تاہم قونصل جنرل نے فوری طور پر وضاحت کی کہ اکاؤنٹ ہیک ہو گیا تھا۔ یہ بات قابل ذکر ہے کہ کالعدم ٹی ٹی پی نے پیر کے روز اپنے جنگجوؤں سے کہا تھا کہ وہ خیبر پختونخوا کے جنوبی اضلاع میں عسکریت پسندوں کے خلاف سیکیورٹی فورسز کی مبینہ “بلا تعطل” کارروائیوں کی وجہ سے ملک بھر میں حملے کریں۔

Official account of Consulate General of Pakistan Kandahar was hacked a while ago which was immediately recovered. Unsolicited tweets have been deleted. The Consulate offers sincere apologies for any inconvenience this may have caused. The matter is being reported to Twitter.

— Consulate General of Pakistan, Kandahar (@PakinKandahar) December 2, 2022

جبکہ پاکستان نے افغانستان سے کہا ہے کہ وہ سرحد کے اس طرف ٹی ٹی پی کے عسکریت پسندوں کے خلاف کارروائی کرے۔