کشمیری نوجوان نے پائلٹ بن کر خانہ کعبہ لیجانے کی ماں کی خواہش پوری کردی

والدہ چاہتی تھیں میں پائلٹ بنوں اور انہیں مکہ معظمہ لے کرجاؤں،عامر وانی:فوٹو:فائل

---

کشمیری نوجوان نے پائلٹ بن کر اپنی ماں کی خانہ کعبہ لے جانے کی دیرینہ خواہش پوری کردی۔

مقبوضہ کشمیر سے تعلق رکھنے والے عامر راشد وانی نے ٹوئٹر پراپنی پوسٹ میں کہا کہ ان کی والدہ نے اسکول کے زمانے میں ایک کارڈ لکھ کرمیرے سینے پر لگایا تھا۔

عامر راشد کے مطابق ان کی والدہ کہتی تھیں کہ تم پائلٹ بننا اور مجھے اپنے طیارے میں مکہ معظمہ لے جانا۔عامرراشد وانی نے طیارے کے کاک پٹ میں اپنی تصویر شئیرکرتے ہوئے کہا کہ میں نے اپنی والدہ کا خواب پورا کردیا۔

https://twitter.com/AmirRashidWani/status/1607261439940792321?s=20&t=dSEBhUJcKgckWi2aa5SKYA

 

انہوں نے مزید کہا کہ میری والدہ مکہ مکرمہ میں خانہ کعبہ کی زیارت کی خواہش لیے اسی طیارے میں بیٹھی ہیں جسے میں اڑا رہا ہوں۔ ماں کا خواب پورا کرنے والے عامر وانی کی پوسٹ سوشل میڈیا پر وائرل ہوگئی۔