اٹلی حادثے میں جاں بحق شاہدہ رضا کی کوئٹہ میں سپرد خاک
نماز جنازہ و تدفین میں صوبائی وزیر کھیل اور سول سوسائٹی کے افراد نے شرکت کی
اٹلی کے قریب کشتی الٹنے سے جاں بحق ہونے والی ہاکی کی کھلاڑی شاہدہ رضا کی کوئٹہ میں تدفین کردی گئی۔
شاہدہ رضا کی میت گزشتہ روز اٹلی سے کراچی لائی گئی جس کے بعد جسد خاکی کو گزشتہ شب کوئٹہ منتقل کیا گیا۔ خاتون ایتھیلیٹ کی نماز جنازہ ہزار ٹاؤن میں ادا کی گئی جس کے بعد انہیں بخت زیب قبرستان میں سپرد خاک کیا گیا۔
نماز جنازہ و تدفین میں صوبائی وزیر کھیل اور سول سوسائٹی کے افراد نے شرکت کی۔
