لاہور میں بس ہوسٹس کو ہراساں کرنے والا ملزم گرفتار

 لاہور: ملازمت کیلئے جانے والی لڑکی کو ہراساں کرنے اور بازو پکڑنے والے ملزم کے ہاتھ میں ہتھکڑی لگ گئی۔

شیراکوٹ پولیس کو 15 پر لڑکی کو ہراساں کرنے کی کال موصول ہوئی۔ ایس ایچ او شیراکوٹ ناصر حمید اور پولیس ٹیم نے فوری کارروائی کی۔

پولیس نے ملزم شہروز کے خلاف مقدمہ درج کرکے اسے حوالات میں بند کردیا۔

نجی بس کمپنی میں بطور بس ہوسٹس ملازمت کرنے والی لڑکی زویا کو ملزم شہروز اکثر ہراساں کرتا تھا۔ ملزم شہروز نے ملازمت کیلئے جانے والی لڑکی کوہراساں کیا اور زبردستی لڑکی کا بازو پکڑا۔