پاکستان سے ہزاروں امریکی ڈالرز اسمگل کرنے کی کوشش ناکام

ویب ڈیسک  جمعرات 30 مارچ 2023
مسافر کے خلاف کسٹم ایکٹ کے تحت کارروائی عمل میں لائی جارہی ہے

مسافر کے خلاف کسٹم ایکٹ کے تحت کارروائی عمل میں لائی جارہی ہے

  کراچی: پاکستان سے ہزاروں امریکی ڈالرز اسمگل کرنے کی کوشش ناکام بنا دی گئی۔

جناح انٹرنیشنل ٹرمینل پر پاکستان کسٹمز کی ایک کارروائی کے دوران امریکی ڈالرز اسمگل کرنے کی کوشش ناکام بنادی گئی۔ ترجمان عرفان علی کے مطابق ترکش ائرلائن کے ذریعے امریکا کے لیے روانہ ہونے والے مسافر سے 23 ہزار 550 امریکی ڈالرز برآمدہوئے۔

ترجمان کے مطابق فی مسافر 5000 ڈالر بیرون ملک لے  جانے کی حد مقرر ہے جب  کہ بیرون ملک جانے والا مسافر 66لاکھ مالیت کی مقررہ حد سے کئی گنا زائد ڈالر ساتھ لے جا رہا تھا۔ مسافر کے خلاف کسٹم ایکٹ کے تحت کارروائی عمل میں لائی جارہی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔