- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
مارچ میں افراط زر کی شرح 35.4 فیصد کی بلند ترین سطح پر آگئی
کراچی: گزشتہ ماہ (مارچ میں) افراط زر کی شرح 35.4 فی صد کی بلند ترین سطح پر آ گئی۔
وفاقی ادارہ شماریات کے مطابق فروری 2023ء میں افراط زر کی شرح 31.5 فی صد کی بلند ترین سطح پر تھی، جس کے بعد اگلے ہی مہینے (مارچ میں) اس میں مزید اضافہ ہوکر 35.4 فی صد کی بلند ترین سطح تک پہنچ گیا۔ واضح رہے کہ گزشتہ برس مارچ کے مہینے میں افراط زر کی شرح 12.7 فی صد تھی۔
رواں ہفتے روپیہ دیگر کرنسیوں کے مقابلے میں مزید کمزور
رواں ہفتے بھی دیگر کرنسیوں کے مقابلے میں روپیہ مزید کمزور ہوگیا۔ ہفتہ وار کرنسی رپورٹ کے مطابق بیرونی ادائیگیوں کے دباؤ سے اتارچڑھاؤ کے باعث ڈالر کی پیش قدمی جاری رہی اور معیشت کی غیر واضح سمت، سیاسی انتشار کی و وجہ سے پاؤنڈ اور یوروکی اڑان میں زیادہ تیزی رہی۔
مارکیٹ ذرائع کے مطابق رواں ہفتے اوپن مارکیٹ میں ڈالر 287روپے کی سطح پر آگیا جب کہ انٹربینک مارکیٹ میں ڈالر کی قدر 60پیسے بڑھ کر 283.79روپے کی سطح پر بند ہوئی۔ اوپن مارکیٹ میں ڈالر کی قدر 1روپے بڑھ کر 287 روپے پر بند ہوئی۔
اسی طرح برطانوی پاؤنڈ کے انٹربینک ریٹ 4.01روپے بڑھ کر 351.66روپے ہوگئے اور اوپن مارکیٹ میں 5روپے بڑھ کر 353روپے ہوگئے۔ انٹربینک میں یورو کرنسی کی قدر 4.38روپے بڑھ کر 309.38روپے اور اوپن مارکیٹ میں یورو کی قدر 6روپے بڑھ کر 311روپے ہوگئی۔
رواں ہفتے بھی امپورٹ ایل سیز کھلوانے کی مشکلات برقرار رہیں۔ نادہندگی کے منڈلاتے ہوئے خطرات سے روپے پر دباؤ بڑھتا رہا جب کہ سعودی عرب ودیگر دوست ممالک سے فنانسنگ گارنٹی ملنے کی اُمید سے ڈالر کی غیر معمولی پیش قدمی محدود رہی۔
اسٹاک مارکیٹ میں محدود تیزی
رواں کاروباری ہفتے میں سعودی عرب فنانسنگ کے گرین سگنلز کے باعث اسٹاک مارکیٹ میں محدود تیزی رہی، تاہم سیاسی دنگل، آئی ایم ایف معاہدہ نہ ہونے کی وجہ سے مارکیٹ اتارچڑھاؤ کا شکار رہی۔
رواں ہفتے شرح سود مزید 2 فیصد بڑھنےکے خدشات سے سرمایہ کار محتاط رہے۔ آئل، گیس، او ایم سیز بینکنگ ودیگر شعبے فروخت کی زد میں رہے۔ تیزی سے انڈیکس کی 40000پوائنٹس کی نفسیاتی حد بحال ہوگئی۔ ہفتے کے 2 سیشنز میں مندی اور تین سیشنز میں تیزی رہی۔
مارکیٹ میں تیزی سے حصص کی مالیت 61کروڑ 62لاکھ 12ہزار 51روپے بڑھ گئی اور مجموعی سرمایہ بھی بڑھ کر 61کھرب 8ارب 16 کروڑ 99لاکھ 41ہزار 180 روپے ہوگیا۔ 100انڈیکس 58.78 پوائنٹس بڑھ کر 40000.83 پر بند ہوا جب کہ 30انڈیکس 114.29 پوائنٹس بڑھ کر 14852.81 پر بند ہوا۔
اسٹاک مارکیٹ میں کے ایم آئی 30انڈیکس 560.16پوائنٹس بڑھ کر 69337.93 پر بند ہوا۔ ڈالر بحران برقرار رہنے سے شارٹ ٹرم انویسٹمنٹ کا رحجان رہا جب کہ افراط زر کے بلند سطح پر پہنچنے سے طویل المدت سرمایہ کاری سے گریز کیا گیا۔ مارکیٹ میں ڈے ٹریڈنگ کا رحجان تسلسل سے برقرار رہا۔ انسٹیٹیوشنز سمیت ہر شعبے نے تیزی آتے ہی پرافٹ ٹیکنگ کو ترجیح دی۔ سکڑتی ہوئی معاشی سرگرمیوں، امپورٹ پر پابندی سے مارکیٹ میں سرگرمیاں محدود رہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔