آسٹریلوی بیٹر اسٹیون اسمتھ 'ہولوگرام' کے ذریعے آئی پی ایل کمنٹری ٹیم کا حصہ بن گئے۔

اسٹیون اسمتھ نے آئی پی ایل شروع ہونے سے قبل اعلان کیا تھا کہ وہ ایک بہت ہی پُرجوش ٹیم کا حصہ بننے والے ہیں، ان کا چونکہ کسی فرنچائز سے معاہدہ نہیں ہوا اس لیے شائقین کو اندازہ تھا کہ شاید کمنٹری کریں۔

یہ بھی پڑھیں: آئی پی ایل کے 16ویں سیزن میں 5 نئے دلچسپ قوانین متعارف

اسمتھ نے آئی پی ایل میں پہلے میچ کے موقع پر بطور کمنٹیٹر ڈیبیو کیا تاہم وہ بھارت آنے کے بجائے اپنے ملک میں ہی موجود رہے اور جدید ہولوگرام ٹیکنالوجی کے ذریعے کمنٹری ٹیم کا حصہ بنے، شائقین کو بے وقوف بنانے پر براڈ کاسٹر پر تنقید ہونے لگی ہے۔