- اسلام آباد میں ویزا آفس آنے والی خاتون کے ساتھ زیادتی
- اڈیالہ میں عمران خان سمیت قیدیوں سے ملاقات پر دو ہفتے کی پابندی ختم
- توانائی کے بحران سے نمٹنے میں پاکستان کی مدد کرنا ترجیح میں شامل ہے، امریکا
- ہائیکورٹ کے ججزکا خط، چیف جسٹس سے وزیراعظم کی ملاقات
- وزیر اعلیٰ پنجاب کا مسیحی ملازمین کیلیے گڈ فرائیڈے اور ایسٹر بونس کا اعلان
- سونے کی عالمی ومقامی قیمتوں میں اضافہ
- بلوچستان : بی ایل اے کے دہشت گردوں کا غیر ملکی اسلحہ استعمال کرنے کا انکشاف
- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی نے اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
- ایف بی آر سے کرپشن کے خاتمے کیلیے خفیہ ایجنسی کو ٹاسک دیدیا گیا
- کاکول ٹریننگ کیمپ؛ اعظم خان 2 کلومیٹر ریس میں مشکلات کا شکار
- اسٹاک ایکسچینج؛ 100 انڈیکس ملکی تاریخ کی نئی بلند ترین سطح پر پہنچ گیا
- بجلی ایک ماہ کیلیے 5روپے فی یونٹ مہنگی کر دی گئی
- کھلاڑیوں کی ادائیگیوں کا معاملہ؛ بورڈ نے فیکا کے الزامات کو مسترد کردیا
- پی ٹی آئی (پی) کی مخصوص نشستوں کا معاملہ، الیکشن کمیشن حکام فوری ہائیکورٹ طلب
بھارتی فوج نے کنٹرول لائن پر فائرنگ کرکے کشمیری خاتون کو شہید کردیا
اسلام آباد: بھارتی ناپاک عزائم اور نہتے کشمیریوں پر مظالم کا سلسلہ نہ تَھم سکا، کنٹرول لائن کے پانڈو سیکٹر پر واقع گاؤں ہوتریڑی کی رہائشی خاتون سیدہ پروین فاطمہ کو بھارتی فوج نے دن دہاڑے فائرنگ کرکے شہید کر دیا۔
ایکسپریس نیوز کے مطابق 55 سالہ پروین فاطمہ کا شوہر منظور حسین شاہ 2008ء میں فوت ہو گیا تھا، پروین بی بی کنٹرول لائن کے نزدیک جنگل سے جڑی بوٹیاں اور لکڑیاں اکٹھی کر کے اپنے بچوں کا پیٹ پالتی تھی۔
شہادت کے روزجب پروین بی بی جنگل سے جڑی بوٹیاں اکٹھی کر رہی تھی تو بھارتی ظالم فوج نے جانتے بوجھتے کر فائرنگ کرکے اسےشہید کر دیا اور میت اپنی تحویل میں لی۔ بعد ازاں پاکستانی حکام کے احتجاج پر بھارتی فوج نے میت چکوٹھی کراسنگ پوائنٹ پر آزاد کشمیر کے حکام کے حوالے کی۔
شہید پروین بی بی کی شہادت کے حوالے سے ان کی بیٹی نے بھارتی فورسز کی طرف سے ہونے والے ظلم کے حوالے سے کہا کہ ’’میری امی کو بے گناہ شہید کر دیا اوراب ہمارا کوئی سہارا نہیں رہا‘‘۔
شہید پروین بی بی کے بچوں نے عالمی برادری سے التجا کی کہ عالمی برادری کوئی ایسا لائحہ عمل بنائے کہ آئندہ کوئی بے گناہ شہری بھارتی فورسز کے ظلم کا نشانہ نہ بنے۔ شہید پروین بی بی کے ورثاء نے پاک فوج کے تعاون کو سراہا اور ان کی والدہ کی تدفین میں مدد پر اظہارِ تشکر کیا۔
بھارتی سیکیورٹی فورسز کی جانب سے بے گناہ کشمیری اور پاکستانی شہریوں کا قتل اور لاشوں کی واپسی میں تاخیر ایک غیرانسانی عمل ہے، آزاد کشمیر کی حدود میں بھارتی فورسز کی جانب سے ہونے والی جارحیت عالمی برادری پر عیاں ہے مگر ان کی جانب سے مسلسل خاموشی کا مظاہرہ کیا جارہا ہے۔
شہید ہونے والی خاتون کے ورثاء اور اہل علاقہ کا کہنا ہے کہ بھارتی دہشت گردی کسی صورت قابل قبول نہیں اور انسانی حقوق کی تنظیمیں بھارتی ظلم کا سختی سے نوٹس لیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔