ماحولیاتی تبدیلیوں میں دوسروں کا کیا پاکستان نے بھگتا اقوام متحدہ

پاکستان کو جو امداد دی گئی وہ بھی زیدہ تر قرض تھی؛ انتونیو گوتریس (فوٹو: فائل)

---

اقوام متحدہ کے جنرل سیکرٹری انتونیو گوتیرس نے کہا ہے کہ پاکستان گرین ہاؤس کے 1 فیصد سے بھی کم اخراج کا ذمہ دار ہے لیکن اسے موسمیاتی تبدیلوں کے نتیجے میں آنی والی آفات 15 گنا زیادہ جھیلنا پڑتی ہیں۔

عالمی خبر رساں ادارے کے مطابق اقوام متحدہ کے سیکریٹری جنرل انتونیو گوتیرس نے عالمی برادری پر زور دیا ہے کہ گزشتہ برس کے تباہ کن سیلاب سے بحالی میں پاکستان کی مدد فراہم کرے۔

اقوام متحدہ کی جنرل اسمبلی سے خطاب کرتے ہوئے انتونیو گوتریس نے ماحولیاتی تبدیلیوں میں کم حصہ ڈالنے کے باوجود سب سے زیادہ نقصان اُٹھانے والے پاکستان کو "موسمیاتی انصاف کے لیے لٹمس ٹیسٹ" قرار دیا۔

I will never forget the climate-related carnage I saw after apocalyptic flooding submerged a third of Pakistan.

I call on donors & international financial institutions to make good on their funding pledges in support of recovery efforts as soon as possible. pic.twitter.com/5CL4YJFl0J

- António Guterres (@antonioguterres) September 27, 2023

انتونیو گوتیرس نے مزید کہا کہ پاکستان موسمیاتی افراتفری اور ہمارے فرسودہ اور غیر منصفانہ عالمی مالیاتی نظام کا دہرا شکار ہے جو درمیانی آمدنی والے ممالک کو سرمایہ کاری کے لیے انتہائی ضروری وسائل تک رسائی سے روکتا ہے۔

اقوام متحدہ کے جنرل سیکرٹری نے شکوہ کیا کہ سیلاب کے بعد امیر ممالک کی طرف سے دی گئی امداد کی اکثریت قرض کی صورت میں تھی۔ سیلاب کی تباہی کے شکار پاکستانی عوام اب بھی فنڈز کے منتظر ہیں۔

انتونیو گوتریس نے مزید بتایا کہ پاکستان کے سیلاب متاثرین کے لیے مالی امداد کا محض 69 فیصد ہدف ہی حاصل کرسکے۔ انھوں نے عالمی قوتوں سے پاکستان کو اعلان کردہ امداد کی فراہمی کا مطالبہ بھی کیا۔

یاد رہے کہ گزشتہ برس پاکستان میں سیلاب کی وجہ مون سون کی ریکارڈ بارشیں اور گلیشیئرز کا پگھلنا تھیں۔ جون سے نومبر کے درمیان مجموعی طور 1,700 سے زائد افراد ہلاک اور 20 لاکھ گھر تباہ ہوئے اور تقریباً 90 لاکھ افراد کو خط غربت سے نیچے دھکیل دیا۔