فلم 'لاپتہ لیڈیز' سے شہرت حاصل کرنے والی اداکارہ نتانشی گوئل نے کہا ہے کہ جب انہیں فلم میں کام کرنے کیلئے عامر خان کی کال آئی تو وہ اسے مذاق سمجھی تھیں۔

ایک تازہ انٹرویو میں اداکارہ کا کہنا تھا کہ انہیں یقین ہی نہیں آرہا تھا کہ عامر خان اور کرن راؤ ان سے ملنا چاہتے ہیں۔

انہوں نے بتایا کہ جب ان کی عامر خان سے ملاقات ہوئی تو پھر انہیں یقین آگیا اور عامر خان نے انہیں بتایا ان کا آڈیشن کمال کا تھا۔

نتانشی گوئل کے مطابق جب عامر خان نے ان کی والدہ سے ملاقات کی تو ان کو کہا کہ ان کے پاس ایک ہیرا ہے۔

واضح رہے کہ نتانشی نے فلم 'لاپتہ لیڈیز' میں پھول نامی لڑکی کا کردار کیا ہے اور اسے بہت پسند کیا جارہا ہے۔