موت کہیں بھی کبھی آسکتی ہے اور اسے روکنے میں آج تک کوئی بھی کامیاب نہیں ہوسکا ہے تاہم ایک جگہ ایسی ہے جہاں حکومت کی طرف سے مرنے پا پابندی عائد کی گئی ہے۔
دنیا میں ایسا انوکھا مقام ناروے کے جزیرے لونگيیَربین (Longyearbyen) میں موجود ہے، جو سوالبارڈ (Svalbard) کے آرکٹک علاقے میں واقع ہے۔ یہاں مرنے پر واقعی پابندی ہے۔
وجہ یہ ہے کہ یہاں کا موسم اتنا شدید سرد ہے کہ زمین میں دفن ہونے والی لاشیں گلتی سڑتی نہیں ہیں بلکہ دہائیوں تک منجمد حالت میں محفوظ رہتی ہیں۔
1930 کی دہائی میں ایک تحقیق میں پتا چلا کہ یہاں دفن شدہ لاشوں میں پرانے وائرس بھی زندہ رہ سکتے ہیں جو دوبارہ انسانوں میں بیماری پھیلا سکتے ہیں۔
اسی لیے 1950 کی دہائی میں قانون بنایا گیا کہ لونگيیَربین میں کوئی دفن نہیں ہو سکتا، یہاں تک کہ اگر کوئی شخص یہاں شدید بیمار ہو یا مرنے کے قریب ہو تو اسے ناروے کے مین لینڈ یا کسی اور جگہ منتقل کر دیا جاتا ہے۔
یہ جگہ اس لیے بھی مشہور ہے کہ یہاں سورج چھ ماہ تک نہیں نکلتا اور چھ ماہ تک غروب نہیں ہوتا۔
