چہروں پر مسکراہٹیں بکھرنا بھی جانتی ہوں2013ء میں مختلف انداز اپناؤں گی کنگنا رناوت

لوگوں کے چہرے پر مسکراہٹیں بکھیرنا اچھا لگتا ہے، کنگنا رناوت۔ فوٹو : فائل

---

بالی وڈ اداکارہ کنگنا رناوت نے کہا ہے کہ2013میں بھی پرستاروں کے درمیان رہوں گی ۔4میگا فلمیں ریلیز ہونگی جن میں اہم کردار نبھارہی ہوں۔

انھوں نے کہا کہ کامیڈی فلم کرنے کا بھی تجربہ کامیاب رہا ہے ۔لوگوں کے چہرے پر مسکراہٹیں بکھیرنا اچھا لگتا ہے اور یہ کام بھی اب کرنا جانتی ہوں۔ رومانوی کردار بھی خوبی سے نبھانے کی کوشش کرتی ہوں ۔2013کے شروع میں ریلیز ہونے والی فلم میں ایکشن کردار بھی نبھایا ہے۔



اس فلم کی کہانی کا ایک تسلسل ہے جو شائقین کے لیے دلچسپی کا موجب ہوگی۔ انھوں نے بتایا کہ فلم ''شوٹ ایٹ وڈالہ ''ریلیز کے لیے تیار ہے۔ اس فلم کے ہدایتکار سنجے گپتا ہیں اور پروڈیوسر بھی وہی ہیں۔ کہانی بھی سنجے گپتا نے حسین زیدی کے ساتھ ملکر لکھی ہے۔ جان ابراہم اور انیل کپور کااس فلم میں اہم کردار ہے۔ سونو سود ،منوج باجپائی اور تشار کپور بھی اس میں جلوہ گر ہونگے۔ نئی فلم ''شوٹ آئوٹ ایٹ وڈالہ '' کا میوزک پریتم نے تیار کیا ہے ۔

انھوں نے کہا کہ اس کے ساتھ مزید تین فلمیں جن میں ''آئی لو نیویارک''، ''کرش تھری ''اور ''انگلی'' شامل ہیں ۔اداکارہ کا کہنا ہے کہ اس فلم میں منفرد کردار نبھارہی ہوں ۔فلم کی کہانی بھی مختلف ہے اور کردار بھی روٹین سے ہٹ کر ہے ۔انھوں نے کہا کہ اپنی پرفارمنس کو مزید بہتر بنانے کی کوشش کی ہے ۔25سالہ اداکارہ کا کہنا ہے کہ آنیوالی فلموں میں بھی کردار کی ورائٹی ملے گی ۔یکسانیت نہیں چاہتی ۔نئی فلموں میں نئے انداز سے پرفارم کرنے کے لیے کوشاں رہوں گی۔ادھر ہدایتکار و فلمساز سنجے گپتا کا کہنا ہے کہ آنیوالی فلم میں کنگنا کا کردار اہم ہے ان کی پرفارمنس سے شائقین لطف اندوز ہونگے ۔واضح رہے کہ 20مارچ 1987کو پیدا ہونے والی اداکارہ فلمی کیرئیر کا آغاز 2006میں فلم ''گینگسٹر''سے کیا۔



اداکارہ نے اپنی پہلی فلم میں عمدہ پرفارمنس سے دھوم مچادی اس پر کنگنا نے بہترین اداکارہ کا فلم فیئر اور نیشنل فلم ایوارڈ جیت لیا ۔اداکارہ ہماچل پردیش کے ضلع منڈی کے علاقے بھمبالہ میں ایک اسکول ٹیچر کے گھر پیدا ہوئیں ،ابتدائی تعلیم اسی علاقے میں حاصل کی، کالج پہنچ کر کنگنا دہلی چلی گئیں ،جہاں انھوں نے تعلیم کے ساتھ ماڈلنگ شروع کردی، اداکارہ نے ایلیٹ ماڈلنگ ایجنسی جوائن کرلی ۔2003میں ماڈلنگ کے ساتھ دہلی میں ہی تھیٹر پر اداکاری کا بھی آغاز کردیا ۔

اس عرصے میں انھوں نے اسمتا تھٹر گروپ کے ساتھ ملکر کئی ڈراموں میں پرفارم کیا ۔اداکارہ نے 2004میں پہلی مرتبہ کیمرے کے سامنے چہرہ نمائی کی ۔اس کے بعد اداکارہ ممبئی چلی گئیں جہاں ہدایت کار انوراگ باسو نے انھیں کام کرنے کی پیشکش کی ۔کنگنا نے انوراگ کی اس پیشکش کو قبول کرتے ہوئے کیرئیر کی پہلی فلم ''گینگسٹر ''میں کام کرکے شائقین فلم کے دل جیت لیے ۔یہ فلم 2006میں ریلیز ہوئی اور دو قومی ایوارڈز کنگنا کے حصے میں آئے ۔اسی سال اداکارہ نے فلم ''وہ لمحے ''میں ثناء کا کردار نبھایا۔

2007کے دوران انھوں نے دو فلموں میں پرفارم کیا ان میں فلم ''شاکالکا بوم بوم''اور ''لائف ان اے میٹرو''شامل ہے۔ 2008میں انھوں نے تامل فلم ''دھوم دھوم ''میں فنکارانہ صلاحیتوں کا مظاہرہ کیا،اسی برس پریانکا کے ساتھ فلم ''فیشن ''میں جلوے دکھائے۔2009میں اداکارہ کی فلم ''راز''ریلیز ہوئی۔ 2010میں کنگنا رناوت کی 4فلمیں ریلیز ہوئیں۔ 2011میں فلم''تنو ویڈز منو''، ''گیم''، ''ریڈی''، ''ڈبل دھمال''،''راسکلز'' اور ''ملیں نہ ملیں ہم'' شامل ہیں ۔2012میں کنگنا رناوت کی فلم ''تیز ''میں جلوہ گرہوئیں۔ بالی وڈ اداکارہ کے حوالے سے بالی وڈ حلقوں کا کہنا ہے کہ اداکارہ کی پرفارمنس نے شائقین کو متاثر کیا ہے ۔