دہشت گردی کی جنگ میں بھارت ملوث ہے،لارڈنذیر

اسلام آ باد: سابق رکن برطانوی پارلیمنٹ لارڈ نذیراحمدنے کہا ہے کہ دہشت گردی کی جنگ میں بھارت ملوث ہے۔

بھارتی خفیہ ایجنسی را منموہن سنگھ کے کنٹرول میں نہیں اور نہ ہی مسئلہ کشمیرکے حل میں پاکستانی حکومت سے کوئی امید وابستہ ہے تاہم مسئلہ کشمیر پاکستان اور بھارت کے درمیان بات چیت سے ہی حل ہوگا ،نجی ٹی وی سے گفتگو کرتے ہوئے لارڈ نذیر نے کہا کہ پاکستان کی حکومت میں ایسے لوگ ہیں جنھوں نے دکان بھی نہیں چلائی وہ حکومت کیا چلائیں گے ۔

عسکریت پسندی کا دورگزر چکا، ڈپلومیٹک اور سیاسی طریقے سے مسئلہ کشمیر کا حل نکالا جاسکتا ہے، کشمیری قیادت کوآزادکشمیر اور گلگت بلتستان جانا چاہیے، کشمیریوں کوحق خود ارادیت ملے گی تاہم سفرلمبا ہوسکتا ہے۔عمران خان کی پارٹی میں پہلے والی بات نہیں رہی ۔