جسم پر ٹیٹو بنوانے پر ہیپاٹائٹس کی بیماری کا امکان

ٹیٹو بنوانے سے جگر کے کینسر کا خطرہ بھی لاحق ہو سکتا ہے، فوٹو : اے ایف پی /فائل

---

MUZAFFARABAD: امریکی طبی ماہرین نے کہا ہے کہ جسم پر ٹیٹو بنوانے سے ہیپاٹائٹس کی بیماری ہونے کے امکانات بڑھ جاتے ہیں۔

نیو یارک یونیورسٹی لنیگون میڈیکل سینٹر میں ہونے والی تحقیق کے دوران یہ بات سامنے آئی ہے کہ جسم پر مشینی آرٹ کے ذریعے مختلف قسم کے ٹیٹو بنوانے سے ہیپاٹائٹس ہونے کے امکانات میں اضافہ ہوتا ہے جس سے جگر کے کینسر کا خطرہ بھی لاحق ہو سکتا ہے۔

امراض کو کنٹرول کرنے والے امریکی سینٹر کی رپورٹ کے مطابق 3.2ملین امریکی بے احتیاطی کی وجہ سے ہیپاٹائٹس اور دوسری مختلف بیماریوں کا شکار ہیں۔ نیو یارک لینگون میڈیکل سینٹر کے محقق فرتزفرینکوئس نے خبردار کیا ہے کہ ہیپاٹائٹس ہونے سے جگر کا کینسر لاحق ہونے کے 70فیصد چانسز بڑھ جاتے ہیں لہٰذا ایسے مشغلوں سے اجتناب کرنا چاہیے۔