- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
فلم ’جوانی پھر نہیں آنی 2‘ کا ٹریلرریلیز
کراچی: ہمایوں صعید اور فہد مصطفیٰ کی فلم ’’جوانی پھر نہیں آنی 2‘‘ کے ٹریلر نے ریلیز ہوتے ہی دھوم مچادی۔
2015 میں ریلیز ہونے والی کامیاب پاکستانی فلم’’جوانی پھر نہیں آنی‘‘کے سیکوئل ’’جوانی پھرنہیں آنی2‘‘کا ٹریلر جاری کردیا گیا۔ ’’جوانی پھر نہیں آنی‘‘ کامیڈی سے بھرپور نہایت خوبصورت فلم تھی جس میں اداکار ہمایوں سعید ، حمزہ علی عباسی، واسع چوہدری ، احمد علی بٹ، عائشہ خان، مہوش حیات اورسوہائے علی ابڑو نے اپنی بہترین اداکاری کرکے جان ڈال دی تھی۔ یہی وجہ تھی کہ پاکستانی شائقین فلم کے سیکوئل کا بے چینی سے انتظار کررہے تھے۔ پہلی فلم کی کامیابی کے بعد دوسری فلم سے امیدیں بھی زیادہ وابستہ تھیں۔ تاہم گزشتہ روز ریلیز ہونے والے ٹریلر نے واضح کردیا کہ ایکشن، کامیڈی اور سسپنس سے بھرپورفلم’’جوانی پھر نہیں آنی 2‘‘ عیدالضحیٰ پر پاکستانی شائقین کے لیے زبردست تحفہ ثابت ہوگی۔
’’جوانی پھر نہیں آنی 2‘‘میں حمزہ علی عباسی کی جگہ فہد مصطفیٰ کو کاسٹ کیا گیا ہے، ٹریلر میں فہد مصطفیٰ کو فلم کے مرکزی کردار ہمایوں سعید کا دوست دکھایا گیا ہے تاہم ٹریلر کے اختتام تک دونوں ایک دوسرے کے دشمن کے طور پرسامنے آتے ہیں۔ یہ کہنا غلط نہ ہوگا کہ فلم میں دونوں کی پرفارمنس اتنی زبردست ہے کہ اندازہ لگانا مشکل ہے فلم کامرکزی ہیرو کون ہے۔
اس بار فلم میں اداکارہ ماورہ حسین اورکبریٰ خان اپنی اداؤں کے جلوے بکھیرتی نظر آئیں گی، فلم کے سیٹ اورسینماٹوگرافی سے اندازہ لگانا مشکل نہیں کہ فلم پر پیسہ دل کھول کر خرچ کیاگیا ہے۔ فلم میں ہمایوں سیعد جہاں ایکشن کرتے نظر آئے وہیں اپنے مزاحیہ ڈائیلاگ سے سب کو محظوظ کیا۔
ہمایوں سیعد کو پاکستان کا شاہ رخ خان کہا جاتا ہے اسی مناسبت سے انہوں نے فلم میں شاہ رخ خان کی فلم’’رئیس‘‘کے مقبول ترین ڈائیلاگ ’’امی جان کہتی تھیں‘‘کی بڑے مزاحیہ انداز میں نقل کی ہے۔
ہمایوں سیعد، فہد مصطفیٰ، واسع چوہدری، احمد بٹ، ماورا حسین، کبریٰ خان، ثروت گیلانی اور سہیل احمد جیسی بڑی کاسٹ پر مشتمل فلم’’جوانی پھر نہیں آنی2‘‘عید الضحیٰ کے موقع پرریلیز کی جائے گی۔امید ہے جس طرح عید الفطر کے موقع پر پاکستانی شائقین کو بہترین فلمیں دیکھنے کو ملی ہیں عید الضحیٰ پر بھی مقامی سینماؤں میں پاکستانی فلموں کا راج ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔