وہاب ریاض بولنگ میں ناکامی کے ساتھ فاضل رنز دینے میں بھی پیش پیش

پورے میچ میں ایک بھی وکٹ حاصل نہیں کرپانے والے پیسر نے3نوبال کیں جبکہ کسی بھی اور بولر نے ایک بار بھی یہ غلطی نہیں کی۔ فوٹو : فائل

---

WASHINGTON: سرفراز احمد کے آنکھیں دکھانے کا بھی وہاب ریاض پر کوئی اثر نہ ہوا اور بولنگ میں ناکامی کے ساتھ وہ فاضل رنز دینے میں بھی پیش پیش رہے۔

دبئی ٹیسٹ کے پانچویں روز پیسر نے پہلے ہی اوور میں لائن کا لحاظ کیے بغیر گیندیں پھینکیں اور لیگ بائی کے رنز دیے۔ دوسرے اسپیل کے آغاز میں بھی ایسا ہی کیا تو کپتان سرفراز احمد نے انھیں گھور کر دیکھا،وہاب ریاض نے اس مسئلے پر تو قابو پالیا لیکن نوبال کردی۔

پورے میچ میں ایک بھی وکٹ حاصل نہیں کرپانے والے پیسر نے3نوبال کیں جبکہ کسی بھی اور بولر نے ایک بار بھی یہ غلطی نہیں کی۔