- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
ایکسپریس نیوزکراچی کے دفتر پر حملے کیخلاف مظاہرے
حیدر آباد / زیریں سندھ: ایکسپریس نیوز کراچی کے دفتر پر حملے اور فائرنگ سے گارڈ اور خاتون ورکر کے زخمی ہونے کے واقعات پر حیدرآباد سمیت زیریں سندھ میں صحافیوں نے شدید مذمت کی اور اسے آزادی صحافت پر حملہ قرار دیا ہے۔
حیدرآباد، میرپورخاص، ڈگری، نوکوٹ، جھڈو، بھٹ شاہ، سانگھڑ، شاہ پور چاکر، کھپرو، ماتلی، تلہار، کھوسکی، نواب شاہ، دوڑ، جام صاحب، قاضی احمد، ٹنڈو الٰہیار، عمر کوٹ، کنری، مٹھی، ٹنڈو محمد خان، ٹھٹھہ، سجاول، میرپور بٹھورو، کوٹری، سیہون اور بدین میں صحافیوں نے حملے کی شدید مذمت کی جبکہ مختلف شہروں میں مظاہرے اور حملہ آوروں کی گرفتاری کا مطالبہ کیا گیا۔ حیدرآباد یونین آف جرنسلٹ کی جانب اس واقعے کی شدید مذمت کی گئی جبکہ قومی عوامی پارٹی کے صدر ایاز لطیف پلیجو نے کہا کہ ایکسپریس نیوز کراچی کے دفتر پر حملہ آزادی صحافت پر حملہ ہے۔
انھوں نے چیف جسٹس آف پاکستان سے اپیل کی کہ وہ واقعے کا سو موٹو ایکشن لیں۔ پاکستان فیڈرل یونین آف جرنلسٹ دستور کے عبدالحفیظ عابد نے دفتر پر فائرنگ کو آزادی صحافت پر حملہ قرار دیا جبکہ پیپلز پارٹی کی رہنما و سابق صوبائی وزیر سسی پلیجو، صادق میمن، امتیاز قریشی نے اس کی مذمت کی۔سندھ پیپلز یوتھ آرگنائزیشن کے صوبائی صدر و سینیٹر عاجز دھامراہ، تنویر آرائیں اور ڈویژنل صدر احسان ابڑو کا کہنا تھا کہ ایکسپریس نیوزکے سچ کے سپاہی کسی سے بھی خوفزدہ نہیں ہوں گے۔ ایم کیو ایم ٹھٹھہ کے زونل انچارج محمد عیسیٰ جوکھیو نے ایکسپریس نیوز کراچی کے دفتر پر حملے کو بزدلانہ کاروائی قرار دیا ہے، آل پاکستان مسلم لیگ حیدرآباد کے عہدیداران نے شدید مذمت کی اور حکومت سے مطالبہ کیا ہے کہ وہ دہشت گردوں کو لگام ڈالے جو جہاں چاہتے ہیں دہشت گردی کرتے ہیں۔
ماتلی کے صحافیوں نے بازؤں پر سیاہ پٹیاں باندھ کر پریس کلب کے سامنے احتجاجی مظاہرہ کیا اور ملزمان کی فوری گرفتاری کا مطالبہ کیا۔اسی طرح بدین میں نیشنل پریس کلب اور سندھ صحافی سنگت کی جانب سے احتجاجی مظاہرہ کیا گیا۔ صحافیوں کی جانب سے ہالا اور بھٹ شاہ پریس کلب پر احتجاجی مظاہرہ کیے گئے اور ر سیاہ پرچم لہرائے گئے۔
میرپورخاص پریس کلب کے صدر قمر الدین اور سندھ صحافی سنگت کے جنرل سیکریٹری سجاد رند، انجمن تاجران حیدرآباد کے صدر سلیم وہرانے کہا کہ مقبول ترین نیوز چینل کو اس طرح کی گھٹیا حرکتیں کر کے ڈرایا نہیں جا سکتا ہے۔ دوسری جانب آل پاکستان مسلم لیگ ضلع حیدرآباد اور بھاؤ نگر میمن جماعت حیدرآباد کے صدر فاروق احمد میمن، دوڑ ضلع بے نظیر آباد میں تعلقہ یونین آف جرنلسٹس، انور خانزادہ، شکیل احمد خانزادہ ، شاہ پور چاکر کے صحافیوں ملک عبدالرزاق، غلام حیدر دھامراہ، مقصود احمد مغل اور عبدالقادر ڈاہری ، پیپلز پارٹی کے رہنما دلبر خان ڈاہری، عبدالقادر ڈاہری، مسلم لیگ ن کے مشتاق آرائیں، راؤ عبدالشکور، مسلم لیگ فنکشنل کے ملک فقیر محمد ، محمد یامین ملک، اقبال راجپوت، سماجی رہنما رانا خلیل، گلزار احمد ملک، جان محمد بروہی، پیپلز لیبر بیورو کے رہنما ذوالفقار دھامراہ، گسٹا کے رہنما تاج محمد ڈاہری اور خادم مغل،علی گل جلبانی ایپکا کے رہنما کاشف خان، ڈگری پریس کلب کے صدر صغیر احمد قریشی، ڈاکٹر سرفراز احمد، حاجی افتخار سمیت دیگر نے ایکسپریس نیوز کراچی کے دفتر پر حملے کی مذمت کی اور ملزمان کی فوری گرفتاری کا مطالبہ کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔