امریکی خاندان نے روڈ سے ملنے والے 10 لاکھ ڈالر پولیس کے حوالے کردیئے

ویب ڈیسک  پير 25 مئ 2020
ورجینیا کے ایک خاندان کو سڑک پر دس لاکھ ڈالر کی رقم ملی جو اس نے پولیس کے حوالے کردی ہے۔ فوٹو: فائل

ورجینیا کے ایک خاندان کو سڑک پر دس لاکھ ڈالر کی رقم ملی جو اس نے پولیس کے حوالے کردی ہے۔ فوٹو: فائل

ورجینیا : ایک امریکی خاندان کورونا وائرس اور لاک ڈاؤن سے بیزار ہوکر ایک لمبی ڈرائیو پر جارہا تھا کہ انہیں بھری دوپہر سڑک کے عین درمیان ایک بیگ ملا جس میں ایک لاکھ ڈالر کی رقم موجود تھی۔ اب پولیس کو اس رقم کے ورثا کی تلاش ہے۔

ورجینیا کی شانز فیملی نے روڈ کے عین درمیان رکھے بیگ کو پہلے کوڑے کا تھیلا سمجھا تھا لیکن دیکھنے پر اس میں دس لاکھ ڈالر کی رقم موجود تھی۔

کیرولائن کاؤنٹی پولیس کے میجر اسکاٹ موسر نے بتایا کہ یہ تھیلا اٹھا کر انہوں نے گاڑی میں رکھ لیا اور آگے ایک اور ایسا ہی تھیلا ملا جس میں مزید رقم برآمد ہوئی۔

ورجینیا کے اس خاندان کی ایک خاتون ایملی نے بتایا کہ بیگ کے اندر پلاسٹک کے چھوٹے بیگ تھے اور ایک جگہ ’کیش والٹ‘ لکھا تھا اور کسی جگہ کا پتا بھی لکھا تھا۔

لیکن محکمہ پولیس نے  جب محکمہ ڈاک سے رابطہ کیا تو بھی ڈالر بھرے تھیلوں کا احوال نہ مل سکا اب پولیس اس کے اصل مالکان کی تلاش میں ہے۔ اس میں محکمہ ڈاک بھی مدد کررہا ہے۔

پولیس نے اس ضمن میں شانز خاندان کی ایمانداری کی تعریف کرتے ہوئے کہا ہے کہ اتنی خطیر رقم ملنے کے فوراً بعد انہوں نے پولیس سے رابطہ کیا تاکہ یہ رقم اصل مالک تک پہنچائی جاسکے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔