جنوبی افریقی ٹیم کے مرکزی اسپانسر کا معاہدے میں توسیع سے انکار

بورڈکے موجودہ حالات سے مطمئن نہیں اس لیے اپریل2021 میں ختم ہونے والے معاہدے کی تجدید نہیں کریں گے،کمپنی اعلامیہ۔ فوٹو : فائل

---

ISLAMABAD: جنوبی افریقی کرکٹ بورڈ میں بدانتظامی کی وجہ سے اسپانسرز بھی دامن چھڑانے لگے۔

ون ڈے ٹیم کے مرکزی اسپانسر نے معاہدے کی تجدید سے انکار کردیا، کمپنی نے اعلامیے میں کہا کہ وہ بورڈ کے موجودہ حالات سے مطمئن نہیں اس لیے نہ صرف اپریل 2021 میں ختم ہونے والے معاہدے کی تجدید نہیں کریں گے بلکہ ایج اور اسکول لیول پر تمام اسپانسرشپ بھی ختم کررہے ہیں۔

البتہ ویمنز ٹیم کو 2023 تک اسپانسر کرتے رہیں گے، اس دوران بورڈ پر انتظامی اصلاحات کیلیے دباؤ بھی برقرار رکھا جائے گا۔