انقرہ: ترک فوج نے تقریباً 300سابق اور حاضر سروس افسران کی مقدمہ بغاوت میں سزائوں کیخلاف مقدمے کے ازسرنو ٹرائل کی درخواست دائر کر دی ہے۔
غیرملکی خبر رساں ادارے کے مطابق یہ درخواست فوج کی طرف سے ایسے وقت پر سامنے آئی ہے جب طیب اردوان کی حکومت کرپشن کے مبینہ الزامات کی زد میں ہے۔ تین وزراء اور بعض ارکان پارلیمنٹ استعفے دیکر الگ ہو گئے ہیں جبکہ پراسیکیوٹر حکومت کی مبینہ کرپشن کیخلاف جارحانہ موڈ میں ہے۔
درخواست میں فوج کی طرف سے موقف اختیار کیا گیا ہے کہ فوج سے متعلقہ افسران کو سزا کمزور شہادتوں پر اور بدنیتی کی بنیاد پر دی گئی ہے اسلئے ان سزاوں کو واپس لیا جائے۔ فوجی ترجمان نے درخواست دائر کرنے کی تصدیق کی ہے تاہم مزید کوئی تفصیل جاری نہیں کی ہے۔