کابینہ اجلاس کے دوران حماد اظہر کی طبیعت خراب

 اسلام آباد: وفاقی کابینہ اجلاس کے دوران وزیر توانائی حماد اظہر کی طبیعت ناساز ہوگئی جنہیں طبی امداد دی گئی۔

ایکسپریس نیوز کے مطابق وزیراعظم عمران خان کی زیر صدارت وفاقی کابینہ کا اجلاس منعقد ہوا۔ اجلاس کے دوران وزیر توانائی حماد اظہر کی طبعیت خراب ہوگئی جس پر انہیں طبی امداد دی گئی۔

میرے بےہوش ہونے کی خبر درست نہیں تھی۔ روزے کی وجہ سے چند منٹ کے لئے چکر محسوس ہوئے تھے۔ اب الحمدللہ بلکل ٹھیک ہوں۔ تمام دوستوں کی نیک خواہشات اور دعاؤں کا بےحد شکریہ۔

— Hammad Azhar (@Hammad_Azhar) April 8, 2022

اس حوالے سے حماد اظہر نے اپنے ٹویٹ میں کہا ہے کہ میری بے ہوشی سے متعلق خبر میں صداقت نہیں، روزہ رکھنے کے سبب کچھ دیر کے لیے چکر محسوس ہوئے تھے تاہم اب طبعیت بہتر ہے۔