ٹنڈو جام میں 2 دن بعد عمران خان سے بڑا جلسہ کر کے دکھاؤں گا، شرجیل میمن

ویب ڈیسک  ہفتہ 26 نومبر 2022
فائل فوٹو

فائل فوٹو

 کراچی: وزیراطلاعات سندھ شرجیل انعام میمن نے کہا ہے کہ عمران خان کے جلسے سے بڑا عوامی جلسہ اپنے حلقے میں کر کے دکھاؤں گا۔

سماجی رابطے کی سائٹ ٹویٹر پر پی ٹی آئی کے پنڈی میں ہونے والے جلسے پر ردعمل دیتے ہوئے شرجیل میمن نے کہا کہ ’عمران نیازی کا شو ناکام رہا کیونکہ دعوے کے مطابق لوگوں نے شرکت نہیں کی‘۔

انہوں نے اعلان کیا کہ میں اگلے دو روز میں اپنے حلقے ٹنڈو جام میں عوامی طاقت کا مظاہرہ کروں گا جو عمران خان کے جلسے سے بڑا جلسہ ہوگا۔


شرجیل میمن نے واضح کیا کہ ٹنڈو جام میں ہونے والا جلسہ مرکزی، صوبائی اور ضلعی سطح کا نہیں بلکہ صرف حلقے کے عوام کا جلسہ ہوگا اور مجھے یقین ہے کہ یہ تحریک انصاف کے فلاپ شو سے بڑا جلسہ ہوگا۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔