- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
ڈالرز کی چمک سے ٹاپ کیوی کرکٹرز کی آنکھیں چندھیا گئیں
لاہور: ڈالرز کی چمک سے ٹاپ کیوی کرکٹرز کی آنکھیں چندھیا گئیں، پاکستان آنے کے بجائے بھارت میں آئی پی ایل کی رونقیں بڑھائیں گے.
نیوزی لینڈ کرکٹ نے ٹاپ کھلاڑیوں کو دورہ پاکستان کا پابند کرنے کے بجائے بھارتی لیگ میں ڈالرز کمانے کی اجازت دے دی ہے، اس سیریز سے قبل ہی آئی پی ایل کا 31مارچ کو آغاز ہوچکا ہوگا، کین ولیمسن گجرات ٹائٹنز،ٹم ساؤتھی کولکتہ نائٹ رائیڈرز، ڈیون کونوے اور مچل سینٹنر چنئی سپر کنگز کی نمائندگی کریں گے، ان سب کو انٹرنیشنل ٹور سے ریلیز کردیا گیا۔
سری لنکا سے جاری سیریز کے اختتام پر پاکستان کا دورہ کرنے کے بجائے فن ایلن رائل چیلنجرز بنگلور، لوکی فرگوسن کولکتہ نائٹ رائیڈرز اور گلین فلپس سن رائزرز حیدرآباد کو دستیاب ہوں گے،کائیل جمیسن اور ٹرینٹ بولٹ کے بھی گرین شرٹس کیخلاف سیریز نہ کھیلنے کا خدشہ موجود ہے۔
یہ بھی پڑھیں: پاکستان اور نیوزی لینڈ سیریز کا شیڈول جاری کردیا گیا
یاد رہے کہ بھارتی بورڈ کے اثرورسوخ کی وجہ سے بیشتر بڑی ٹیمیں آئی پی ایل کی ونڈو میں اپنے انٹرنیشنل میچز شیڈول نہیں کرتیں، پاکستانی کرکٹرز پر پڑوسی ملک کی لیگ کے دروازے بند ہیں۔
پی سی بی نے ہوم سیریز شیڈول تو کرلی لیکن نیوزی لینڈ کرکٹ نے اپنے کھلاڑیوں کو شرکت کا پابند بنانے کے بجائے بی سی سی آئی سے تعلقات خوشگوار رکھنے کو ترجیح دی،بڑے اسٹارز کے بغیر پاکستان میں مقابلوں پر شائقین ابھی سے مایوسی کا اظہار کررہے ہیں۔
سوشل میڈیا پر اس حوالے سے بات ہوتی رہی، چند صارفین کی رائے ہے کہ نیوزی لینڈ کی ’’بی‘‘ ٹیم سے میچز کھیلنے کے بجائے بہتر تھا کہ سیریز کسی اور وقت شیڈول کرلی جاتی۔
یہ بھی پڑھیں: نوجوان کرکٹرز کے تازہ دم ’لشکر‘ بھی تیار ہو گئے
دوسری جانب پنجاب میں متوقع انتخابات سے پیدا ہونے والی صورتحال کے پیش نظر نیوزی لینڈ کرکٹ کی مشاورت سے پی سی بی نے سیریز کے شیڈول میں ردوبدل کردیا۔
پہلے میچز کا آغاز کراچی سے ہونا تھا جہاں نیشنل اسٹیڈیم پر 13سے 19اپریل تک 4ٹی ٹوئنٹی ہوتے،مختصر فارمیٹ کا پانچواں میچ اور 2ون ڈے 23 سے 28اپریل تک لاہور کے قذافی اسٹیڈیم میں رکھے گئے تھے، آخری 3ایک روزہ مقابلے یکم سے 7مئی تک پنڈی میں کرانے کا پلان تھا،اب سیریز کا آغاز لاہور سے ہوگا۔
قذافی اسٹیڈیم میں 3ٹی ٹوئنٹی میچز 14 ، 15 اور 17 اپریل کو ہوں گے، راولپنڈی میں مختصر فارمیٹ کے 2مقابلے 20 اور 24 اپریل کو ہونے ہیں، پہلا ون ڈے بھی اسی وینیو پر 26 اپریل کو ہو گا، باقی 4ایک روزہ میچز 30 اپریل ،3، 5 اور 7 مئی کو کراچی میں شیڈول ہیں۔
پی سی بی کے مطابق ون ڈے میچز سے پاکستان ٹیم کو ایشیا کپ اور ورلڈکپ کی تیاریوں کا موقع ملے گا،ٹی ٹوئنٹی مقابلوں سے امریکا اور ویسٹ انڈیز میں شیڈول ورلڈکپ 2024 کیلیے مضبوط اسکواڈ تشکیل دینے میں مدد ملے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔