- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
یاسر حسین کی ارطغرل غازی کے اداکاروں کو ’’کچرا‘‘ کہنے کی وضاحت
کراچی: اداکار یاسرحسین نے ترک ڈرامے ’’ارطغرل غازی‘‘ کے اداکاروں کو ’’کچرا‘‘ کہنے کی وضاحت کردی۔
دو روز قبل یاسر حسین نے انسٹاگرام پر ایک اسٹوری شیئر کی تھی جس میں انہوں نے ترک ڈرامے ’’ارطغرل غازی‘‘ کے اداکاروں ارطغرل اور تورگت الپ کے پاکستانی ہم شکلوں کی تصویر شیئر کرتے ہوئے کیپشن میں لکھا تھا ’’ان کو کوئی نہیں پوچھے گا کیوں کہ گھر کی مرغی دال برابر اور باہر کا ’کچرا‘ بھی مال برابر‘‘۔
اس کیپشن میں یاسر حسین نے بالواسطہ طور پر ترک اداکاروں کو ’’کچرے‘‘ سے تشبیہ دی تھی۔ یاسر حسین کے اس بیان پر جہاں سوشل میڈیا صارفین نے ان پر کڑی تنقید کی وہیں وی جے انوشے اشرف نے بھی انہیں آڑے ہاتھوں لیتے ہوئے کہا آئیں ذرا یاسر حسین کو یاد دلائیں کہ کوئی بھی کسی کے لیے کچرا نہیں ہے اور اگر ان کا کام یاسر حسین کی پسند کے برابر نہیں ہے تو بھی دنیا بھر اداکاروں کا حترام کرنا ضروری ہے۔
یہ بھی پڑھیں: حرا مانی اور یاسر حسین کا بھارتی گانے پر ڈانس
انوشے اشرف کے اس تبصرے پر یاسر حسین نے انہیں جواب دیتے ہوئے وضاحت پیش کی کہ ’’کیا میں نے اس بیان میں کہیں ’’ارطغرل‘‘ کا نام لیا؟ نہیں، بچپن سے جاپان کی استری، انڈیا کی ساڑھی، آسٹریلیا کی کٹلری کو اچھا سمجھتے ہوئے ہم نے اپنے مال کو ’’کچرا‘‘ سمجھا ہے۔ ہمیں اس ذہنیت کو بدلنے کی ضرورت ہے۔ آج بھی پاکستانی نیشنل کی استری سب سے پائیدار ہے، وزیر آباد کی کٹلری کمال ہے، اور کمالیہ کی کھدر بے مثال ہے۔ مگر آپ نے ساری زندگی انگریزی بولی اور انگریزی گانے بجائے ہیں اپنے شو پر۔ آپ کو سمجھانا تھوڑا مشکل ہے۔‘‘
یہ بھی پڑھیں: لوگوں کے سوالوں سے تنگ آکر یاسر حسین سے شادی کی
یاسر حسین نے مزید کہا ’’میری ہر بات کو ترکش ڈرامے کی کاسٹ سے مت جوڑیں، میں اداکاروں کی بہت عزت کرتا ہوں آپ سب سے زیادہ۔ باتوں کو گھما کے خبریں مت بنائیں۔ مہربانی کرکے اچھا کونٹینٹ تخلیق کریں، میرے علاوہ بھی دنیا میں بہت کچھ اور ہے۔ مجھے نظر انداز کریں۔‘‘
واضح رہے کہ ترک ڈراما سیریل ’’ارطغرل غازی‘‘ وزیراعظم عمران خان کی ہدایت پر اردو میں ڈب کرکے پاکستان کے سرکاری ٹی وی چینل پر دکھایا جارہا ہے۔ اس ڈرامے نے پاکستانیوں کے دلوں کو جیت لیا ہے۔ تاہم یاسر حسین سمیت شوبز کے کچھ فنکار شروع سے اس ڈرامے کے مخالف ہیں اور ترک فنکاروں کے پاکستانی اشتہارات میں کام کرنے پر کئی بار اپنے تحفظات کا اظہار کرچکے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔