پاکستان کا سب میرین کروز میزائل بابر کا ایک اور کامیاب تجربہ

بابر میزائل کی ہدف کو نشانہ بنانے کے دوران ویڈیو سے گریب کی گئی تصویر

---

پاکستان نے سب میرین لانچ کروز میزائل بابر کے ذریعے ہدف کو درست نشانہ بنانے کا ایک اور کامیاب تجربہ کرلیا۔

آئی ایس پی آر کے مطابق پاکستان نے آب دوز کے ذریعے پانی کے اندر سے خشکی پر ہدف کو نشانہ بنانے والے کروز میزائل بابر کا ایک اور کامیاب تجربہ کیا ہے، پانی کے اندر سے فائر کیے گئے اس کروز میزائل نے تمام پیرا میٹرز کے مطابق کامیابی سے اپنے ہدف کو نشانہ بنایا۔

آئی ایس پی آر کے مطابق ملکی سطح پر بہتر بنایا گیا کروز میزائل ایک قابل بھروسا اور سیکنڈ اسٹرائیک کی صلاحیت کا حامل میزائل ہے جو 450 کلومیٹر کے فاصلے تک ہدف کو تباہ کرسکتا ہے۔

یہ بھی پڑھیں: سرحدی دفاع اور میری ٹائم اثاثوں کے تحفظ کیلیے پاک بحریہ ہردم پُرعزم ہے،نیول چیف

میزائل فائر کرنے کے موقع پر ڈی جی اسٹریٹجک اینڈ پلاننگ ڈویژن، چیئرمین نیسکام، کمانڈر نیول اسٹریٹجک فورس کمانڈ، اعلیٰ حکام، سائنس دان اور انجینئرز موجود تھے۔

Pakistan conducted another successful test fire of indigenously developed Submarine Launched Cruise Missile (SLCM) BABUR having a range of 450 KMs. BABUR is capable of delivering various types of payloads. pic.twitter.com/lAEmbHOYg6

- Maj Gen Asif Ghafoor (@OfficialDGISPR) March 29, 2018

دریں اثنا بابر میزائل کے کامیاب تجربے پر صدر ممنون حسین، وزیر اعظم شاہد خاقان عباسی، چیئرمین جوائنٹ چیفس آف اسٹاف کمیٹی جنرل زبیر حیات نے سائنس دانوں اور انجینئرز کو مبارک باد دی ہے۔