پاکستان کی ڈنمارک میں قرآن پاک کی بے حرمتی کے واقعے کی شدید مذمت

ویب ڈیسک  پير 27 مارچ 2023
فوٹو؛ فائل

فوٹو؛ فائل

 اسلام آباد:  حکومت پاکستان نے ڈنمارک میں قرآن پاک کی بے حرمتی کے واقعے کی شدید مذمت کی ہے۔ 

پاکستانی دفتر خارجہ کے ترجمان نے کہا ہے کہ پاکستان اس گھناوٴنے فعل کی شدید مذمت کرتا ہے، ایسی  دانستہ اور گھٹیا حرکتوں کا اعادہ مسلمانوں کے خلاف بڑھتی نفرت، نسل پرستی اور فوبیا کا پریشان کن مظہر ہے۔

ترجمان دفتر خارجہ  کا کہنا تھا کہ اس طرح کی سوچی سمجھی کارروائیاں قانونی فریم ورک کی افادیت پر سوالیہ نشان ہے۔

 دفتر خارجہ  کی جانب سے مزید کہا گیا کہ آزادی اظہار کے حق کو مذہبی صحیفوں یا شخصیات کی توہین کے طور پراستعمال نہیں کیا جا سکتا۔

ترجمان کا کہنا تھا کہ تمام ریاستیں ایسی کارروائیوں کی روک تھام اورذمے داروں پر مقدمہ چلانے کے لیے قانونی رکاوٹ پیدا کریں۔

 دفتر خارجہ کے ترجمان نے انسانی حقوق کی بین الاقوامی  تنظیموں سے بھی ایسے سوچھے سمجھے اقدامات کے خلاف  آواز بلند کرنے کا مطالبہ کیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔