بنگلہ دیشی آل راؤنڈر شکیب الحسن نے 121212 کے تاریخی دن پر شادی کرلی

جہاں دنیا بھر میں کئی لوگوں نے 12-12-12 کی تاریخ کو یادگار بنایا وہیں شکیب الحسن نے بھی سادگی سے اسی دن شادی کر لی ، فوٹو : اے ایف پی

---

بنگلہ دیشی آل راؤنڈر شکیب الحسن نے 12-12-12 کے تاریخی دن پر امریکی نژاد لڑکی سے شادی کرلی۔

بنگلہ دیشی ٹیم کے آل راؤنڈر 25 سالہ شکیب الحسن نے ڈھاکہ میں 23 سالہ امریکی نژاد بنگلہ دیشی ام احمد شیشرکے ساتھ شادی کرلی ، جہاں دنیا بھر میں کئی لوگوں نے 12-12-12 کی تاریخ کو یادگار بنایا وہیں شکیب الحسن بھی اس دن سادگی سے رشتہ ازدواج میں منسلک ہوگئے۔

شکیب اور ام احمد کی ملاقات سال 2010 میں لندن میں ہوئی ، جہاں شکیب ووسٹر شائر کی جانب سے کرکٹ کھیل رہے تھے ، ذرائع کے مطابق دعوت ولیمہ کی تقریب چند روز بعد ہوگی۔