خاتون ملازمہ نے سری لنکن کرکٹ حکام کے سیاہ کرتوتوں کا پردہ چاک کردیا

مجھے بورڈ کے ملازمین کی جانب سے ’خواہشات‘ پوری نہ کرنے پر انتقامی کارروائی کا نشانہ بنایا گیا، خاتون ملازمہ


Sports Desk October 22, 2016
سری لنکا کرکٹ میں ملازمت کے دوران مجھے بورڈ کے کئی افراد نے جنسی طور پر ہراساں کیا۔ فوٹو: فائل

مارکیٹنگ ڈویژن کی سابق سیکریٹری گیاتری وکرما سنگھے نے سری لنکن کرکٹ حکام کے سیاہ کرتوتوں کا پردہ چاک کردیا۔

اپنے خلاف انکوائری میں بیان دیتے ہوئے سابق خاتون ملازمہ نے بتایاکہ مجھے بورڈ کے ملازمین کی جانب سے 'خواہشات' پوری نہ کرنے پر انتقامی کارروائی کا نشانہ بنایا گیا۔

خاتون نے کمیشن کوبتایا کہ سری لنکا کرکٹ میں ملازمت کے دوران مجھے بورڈ کے کئی افراد نے جنسی طور پر ہراساں کیا، بطور غیرشادی شدہ خاتون میرے لیے یہاں کام کرنا انتہائی دشوار بنا دیا گیا، آفیشلز کو 'انکار' کرنے پرمیری کردار کشی شروع ہوئی اور میرے حوالے سے کئی جھوٹی کہانیاں میڈیا کو فراہم کی گئیں۔

مقبول خبریں