’’ ضلع غازی آباد‘‘ میں منفرد کردار نبھایا منیشا لامبا پہلا ٹریلر اور ٹائٹل سانگ ریلیز

کام کو ہی شہرت کا اصل وسیلہ سمجھتی ہوں،منیشا لامبا۔ فوٹو : فائل

---

لاہور: بالی وڈ اداکارہ منیشا لامبا کی نئی فلم '' ضلع غازی آباد'' کا پہلا ٹریلراور ٹائٹل سانگ ریلیز کردیا گیا ہے ،فلم کا میوزک پریتم نے ترتیب دیا ہے ۔

ایکشن اور تھرلر سے بھر پور فلم ویوک اوبرائے ارشد وارثی اور سنجے دت منیشا لامبا کے ساتھ مرکزی کرداروں میں جلوہ گرہورہے ہیں۔ 60کروڑ کے بجٹ سے بنائی گئی یہ فلم 22 فروری کو سینماگھروں کی زینت بنائی جائے گی۔ اداکارہ منیشا لامبا کا کہنا ہے کہ فلم میں منفرد انداز میں نظر آؤں گی ۔یہ فلم باکس آفس پر کامیابی کے نئے ریکارڈ قائم کرے گی۔ اس فلم اداکارہ کا کہنا ہے کہ سچی خوشی حاصل کرنا چاہتی ہوں ،نئی فلم میں اہم کردار نبھایا ہے۔ شائقین کی پسند کا خیا ل رکھتی ہوں ۔

اپنی پرفارمنس کو بہتر بناکر آگے بڑھنے کے اصول پر کاربند ہوں ۔نئی فلم میں اپنے کردار سے مطمئن ہوں ۔آنیوالی فلموں میں بھی محنت کرکے الگ شناخت بنانے کی کوشش کروں گی ۔انھوں نے کہا کہ بالی وڈ میں متعدد فلمیں آفرز ہوئی ہیں ،رواں سال منفرد کردار نبھائوں گی ۔ ایسے موضوعات ہیں جن پر ابھی کام کرنا باقی ہے ۔انھوں نے کہا کہ بالی وڈ میں بہت ٹیلنٹڈ لوگ موجود ہیں ،ان کی سوچ کا کینوس بھی وسیع ہے۔ عام لوگوں کو نیا کام پسند آتا ہے ،تفریح کا مقصد بھی نئی چیز لانا ہوتا ہے۔

فلموں کے ساتھ کمرشلز بھی کرتی رہونگی اس طرح فنکار کو دو کام کرنے سے روکنا ممکن نہیں ایسی سوچ کو اب دفن کرنا ہوگا صحافی بنناچاہتی تھی مگر اس شعبے میں آگئی ہوں ۔کرداروں کی ورائٹی ہی اصل حسن ہے اور اس کو منفی سمجھ کر چھوڑنا درست نہیں، انھوں نے کہا کہ نئی فلم ''قسمت کی کمپنی'' بھی رواں سال ہی ریلیز کی جارہی ہے اس فلم میں دیا مرزا کے ساتھ نظر آئوں گی ہدایتکار کبیر کوشک کی اس فلم میں مجھے ایک منفرد کردار ملا ہے ،اس پر میں نے محنت بھی کی ہے اور امید ہے یہ فلم اور اس میں میرا کردار شائقین کو پسند آئے گا ۔بالی وڈ اداکارہ کا کہنا ہے کہ آنیوالی فلموں میں اب نئے اسٹائل اختیار کرنے پر توجہ دی جارہی ہے اس حوالے سے میں سمجھتی ہوں کہ فلم کی کہانی کے مطابق کردار کو فلمانے کا ہنر آنا بھی ضروری ہے اگر فلم کی کہانی سے کردار مطابقت نہیں رکھے گا تو پھر سارے اسٹائل دھرے رہ جائیں گے ۔



واضح رہے کہ 18جنوری 1985کو چنائی میں پیدا ہونے والی 27سالہ اداکارہ نے فنی سفر کا آغاز 2005میں شروع کیا۔ ان کی پہلی فلم ''یہاں''تھی ۔29جولائی 2005میں یہ فلم سینماگھروں کی زینت بنی ۔اداکارہ نے دہلی یونیورسٹی سے انگلش آنرز کیا ۔اداکارہ نے بڑی ملٹی نیشنل کمپنیوں کے لیے اشتہاری مہم کے لیے بھی پرفارم کیا اور ان کی تشہیری فلمیں تمام ٹی وی چینلز سے آن ایئر ہیں ۔اداکارہ نے گلوکار ہمیش رشمیاں کی مشہور البم ''آپ کا سرور''کے ٹائٹل سانگ پر بھی پرفارم کیا ۔اداکارہ کی دوسری فلم ''کارپوریٹ''2006میں سینمائوں کی زینت بنائی گئی ۔اسی سال مزید دوفلمیں کیں ان میں ''راکی ''اور فلم ''انتھونی کون ہے؟''میں جلوے دکھائے ۔2007میں فلم ''ہنی مون ''میں منیشا نے زارا کا کردار بڑی خوبی سے نبھایا ۔اسی سال فلم ''دس کہانیاں ''میں منیشا پریا بن کر جلوہ گر ہوئیں ۔

اداکارہ نے 2008میں فلم ''بچنا اے حیسنو''میں ماہی کا کردار نبھاکر دھوم مچادی۔ اسی سال فلم ''کڈنیپ'' میں سونیا کا کردار اداکیا پھر ''شریا ''میں پرفارم کیا۔ ''انا میکا''میں جیا کے روپ میں جلوہ گرہوئیں۔ 2010میں ''ویل ڈن ابا''میں مسکان کا کردار کیا۔ 2011میں فلم ''بھیجا فرائی ٹو''میں جلوے دکھائے۔ اسی سال ان کی فلم ''ہم تم اور شبانہ''کے چرچے ہوئے اس میں بھی اداکارہ نے لیڈنگ لیڈی رول شبانہ کے نام پر کیا۔ پھر فلم ''کنٹریکٹ'' آئی اور اس کے بعد 2012 کے دوران فلم ''جوکر ''میں پرفارم کرکے دل موہ لیے اور اب''ضلع غازی آباد'' جلوہ گر ہو رہی ہیں ۔