پارلیمنٹ لاجز سرگرمیاں کمیٹی کا اجلاس کل دستی پیش ہونگے

انٹرنیٹ پر لاجز کے قابل اعتراض پروگرام دیکھنے والوں کی تعداد کروڑوں تک پہنچ گئی۔ فوٹو: فائل

---

پارلیمنٹ لاجزمیں غیراخلاقی سرگرمیوںکے الزامات کاجائزہ لینے کیلیے قومی اسمبلی کی خصوصی کمیٹی کاچوتھا اجلاس کل ہوگا۔

جمشیددستی کمیٹی کے سامنے پیش ہونگے۔ اجلاس میں اے ایس پی پارلیمنٹ لاجز زاہدہ بخاری، سی سی ٹی وی کیمراسسٹم کے انچارج آفیسراور ڈائریکٹرپارلیمنٹ لاجزکو بھی طلب کیاگیا ہے۔ کمیٹی کے سربراہ شیخ روحیل اصغرنے کہاہے کہ یہ تمام پارلیمنٹیرینزکی عزت کاسوال ہے۔ لہٰذا جمشیددستی کوکمیٹی کے سامنے پیش ہوناچاہیے۔ انھوں نے کہاکہ پارلیمنٹ کی اعلیٰ کمیٹی اس حوالے سے تحقیقات کررہی ہے۔ ادھرپارلیمنٹ لاجز میں قابل اعتراض پروگراموں کے چرچے کے حوالے سے جمشیددستی کی سی ڈیزکی مقبولیت بیرونی دنیامیں بھی پہنچ گئی۔ انٹرنیٹ پران کی سی ڈی کے ایک پروگرام کودیکھنے والوںکی تعدادکروڑوں میں ہو گئی ہے۔